Dziasiatki katalikoŭ prosiać biskupaŭ vystupić u abaronu palitviaźniaŭ 50

Zvarot padpisali kaścielnyja aktyvisty ź dziasiatkaŭ haradoŭ Biełarusi. Padajom dakumient całkam.

Jaho Eminencyi ksiandzu kardynału Kazimiru Śviontku,

Apostalskamu administrataru Pinskaj dyjacezii

Jaho Ekscelencyi ksiandzu arcybiskupu Marcinu Vidaviču,

Apostalskamu Nuncyju ŭ Respublicy Biełaruś

Jaho Ekscelencyi ksiandzu arcybiskupu Tadevušu Kandrusieviču,

Mitrapalitu Minska-Mahiloŭskamu

Jaho Ekscelencyi ksiandzu biskupu Alaksandru Kaškieviču,

biskupu Hrodzienskaj dyjacezii

Jaho Ekscelencyi ksiandzu biskupu Antoniju Dziamjanku,

dapamožnamu biskupu Minska-Mahiloŭskaj archidyjacezii

Jaho Ekscelencyi ksiandzu biskupu Uładzisłavu Blinu,

ardynaryju Viciebskaj dyjacezii

Jaho Ekscelencyi ksiandzu biskupu Kazimiru Vialikasielcu,

dapamožnamu biskupu Pinskaj dyjacezii

ZVAROT

My, katalickija vierniki i hramadzianie Biełarusi, źviartajemsia da Vas, hłybokapavažanyja pastyry, z nahody sumnych i tryvožnych padziejaŭ, jakija adbyvajucca ŭ našaj krainie.

Uviečary 19 śniežnia 2010 hoda ŭ Minsku siłavyja struktury nadzvyčaj

žorstka razahnali mirnuju akcyju pratestu suprać falsifikacyi vynikaŭ prezidenckich vybaraŭ.

Sotni ludziej — u tym liku dziaŭčaty, žančyny, asoby stałaha vieku — byli žorstka źbityja. Bolš za 600 čałaviek byli zatrymanyja i padvierhnutyja biesčałaviečnamu abychodžańniu, jakoje prajaviłasia ŭ źbićci, nieakazańni nieabchodnaj miedycynskaj dapamohi, praciahłamu ŭtrymańniu bieź ježy, pitva i snu. Hetak zvanyja «sudy» nad zatrymanymi adbyvalisia z parušeńniami ŭsich maralnych i jurydyčnych normaŭ.

Ułady raspačali biesprecedentnuju kampaniju represij suprać hramadzianskaj supolnaści. Pa ŭsioj krainie supracoŭniki śpiecsłužbaŭ pravodziać pieratrusy

ŭ žyłych i ofisnych pamiaškańniach. Praciahvajucca aryšty i dopyty hramadskich aktyvistaŭ. Dziaržaŭnyja srodki masavaj infarmacyi pradstaŭlajuć padziei ŭ nadzvyčaj chłuślivym śviatle.

Z palityčnych matyvaŭ byli raspačatyja kryminalnyja spravy, pa jakich źjaŭlajucca abvinavačanymi dvaccać siem, a padazravanymi — trynaccać čałaviek. Bolšaść z hetych ludziej znachodziacca ŭ źniavoleńni, im nie dachodziać listy, nie dazvalajucca sustrečy z rodnymi, nie akazvajecca miedycynskaja dapamoha. Hetym ludziam pahražaje termin źniavoleńnia da piatnaccaci hod. Varta źviarnuć uvahu, što bolšaść z abvinavačanych i padazravanych nie zajmalisia chulihanskimi dziejańniami padčas akcyi pratestu 19 śniežnia. Heta paćviardžaje mierkavańnie, što «masavyja biesparadki» byli pravakacyjaj śpiecsłužbaŭ, ździejśnienaj, kab apraŭdać žorstki razhon mitynhu i dalejšuju chvalu represij.

Siarod tych, chto byli źbityja, aryštavanyja, niespraviadliva abvinavačanyja ŭ kryminalnych złačynstvach, jość chryścijanskija vierniki,

u tym liku i kataliki. Bolšaść ź ich kiravałasia ŭ svaich dziejańniach pačućciom lubovi da Radzimy, salidarnaści z narodam i hramadzianskaj adkaznaściu. Mnohija ź ich prymajuć udzieł u hramadska-palityčnym žyćci, kirujučysia vučeńniem Kaścioła, vykazanym u pastyrskaj kanstytucyi «Gaudium et spes», apostalskaj adhartacyi Śviatoha Ajca Jana Paŭła II «Christifidelis laici», encyklicy Śviatoha Ajca Bieniedykta XVI «Caritas in Veritate» i mnohich inšych dakumientach, jakija Katalicki Kaścioł na praciahu dziesiacihodździaŭ skiroŭvaŭ da viernikaŭ, zaklikajučy aktyŭna ŭdzielničać u hramadskim žyćci, kirujučysia pryncypymi adkaznaści, salidarnaści, lubovi. Takim čynam, jany jość tymi, kaho Isus nazyvaje «ščasnymi, što pieraśled cierpiać dziela spravialivaści» (Maćvieja, 5:10).

My prosim Vas, hłybokapavažanyja pastyry, nie zastavacca abyjakavymi da hrubaha parušeńnia normaŭ zakonnaści, spraviadlivaści, pravoŭ čałavieka, jakoje nazirajecca ŭ našaj krainie. Bo, jak navučaje Druhi Vatykanski sabor, «radaść i nadzieja, smutak i tryvoha ludziej hetaha času, asabliva biednych i ŭsich pryhniečanych, źjaŭlajecca taksama radaściu i nadziejaj, smutkam i tryvohaj Chrystovych vučniaŭ» (Gaudium et spes, 1).

My ŭśviedamlajem, što

situacyja, jakaja siońnia skłałasia ŭ našaj krainie, jość zanadta składanaj dla taho, kab vyrašyć jaje vyklučna čałaviečymi siłami. Ale, jak kazaŭ Isus, «što niemahčyma ŭ ludziej, toje mahčyma ŭ Boha»

(Maćvieja, 18:27). Tamu zaklikajem Vas niastomna malicca za našuju krainu — kab Boh paspryjaŭ spynieńniu biezzakońnia i hvałtu i adnaŭleńniu spraviadlivaści i supakoju.

Zaklikajem Vas malicca za tych, chto siońnia pry ŭładzie — kab jany pakajalisia

i pierastali čynić niespraviadlivaść. Zaklikajem Vas malicca za ŭvieś biełaruski narod — kab ludzi, uzmocnienyja Ducham Śviatym, nie bajalisia ŭ nialohkich i niebiaśpiečnych umovach kiravacca svaim sumleńniem, a nie paradkami «hetaha śvietu».

My prosim Vas prykłaści ŭsie mahčymyja namahańni dla adnaŭleńnia ŭ našaj krainie spraviadlivaści i supakoju. Druhi Vatykanski sabor navučaje, što «Kaścioł, zasnavany na lubovi Adkupiciela, spryjaje tamu, kab u miežach narodu i pamiž narodami šyrej kvitnieła spraviadlivaść i luboŭ» (Gaudium et spes, 76).

Najnoŭšaja historyja daje nam šmat hodnych prykładaŭ taho, jak Kaścioł svaim aŭtarytetam spryjaŭ ustanaŭleńniu spraviadlivaści, supakoju, pašany da pravoŭ čałavieka ŭ roznych krainach śvietu.

Aktyŭnaja pazicyja Kaścioła była adnym z hałoŭnych faktaraŭ, jakija paspryjali mirnamu vyrašeńniu palityčnych kryzisaŭ u Salvadory (1984 h.), Filipinach (1985 h.), Čyli (1989 h.), krainach Uschodniaj Jeŭropy. U 2010 hodzie Kaścioł zdoleŭ schilić ułady Kuby da vyzvaleńnia palityčnych viaźniaŭ.

My vielmi spadziajemsia na toje, što Kaścioł u Biełarusi moža pajści za hetymi hodnymi prykładami i svaim maralnym i pastyrskim aŭtarytetam paŭpłyvać na situacyju, jakaja skłałasia ŭ našaj krainie.

My zaklikajem Vas źviarnucca da biełaruskich uładaŭ z patrabavańniem vyzvalić palityčnych viaźniaŭ i spynić represii

suprać hramadzianskaj supolnaści. My zaklikajem Vas zrabić usio mahčymaje dziela taho, kab ad hvałtu i zapałochvańnia ŭłady pierajšli da dyjałohu z narodam.

«Asabliva ŭ naš čas pryśpiešvaje abaviazak, kab my stanavilisia bližnimi kožnaha biez vyklučeńnia čałavieka i aktyŭna słužyli jamu (…), nahadvajučy słovy Pana: «Što vy zrabili adnamu z hetych bratoŭ Maich mienšych, vy Mnie zrabili» (Mc, 25, 40), — navučaje Druhi Vatykanski sabor (Gaudium et spes, 27). My vielmi spadziajemsia na toje, što Kaścioł budzie stavicca da tych, chto cierpić niespraviadlivy pieraśled, mienavita tak — jak da svaich bližnich.

Z malitvaj i nadziejaj na razumieńnie,

Abakunčyk Halina, parafija Maci Božaj Ružancovaj (h. Minsk, Łošyca), žurnalist

Arciuchoŭ Mikałaj, parafija sv. Jana Chryściciela (h. Minsk, Sierabranka), juryst

Babroŭskaja Maryna, parafija śviatych apostałaŭ Piatra i Paŭła i śv. Jaŭhiena de Mazeno (h. Minsk, Uručča), siabra apostalskaha ruchu «Lehijon Maryi»

Bierviačonak Franciška, parafija Najśviaciejšaj Trojcy (h. Hłybokaje)

Vasileŭski Michaił, parafija śviatoha Michała Archanioła (h. Ašmiany)

Vaškievič Darja, parafija śviatych Symona i Aleny (h. Minsk)

Vinahradaŭ Dźmitryj, parafija Maci Božaj Škaplernaj (h. Miadzieł), pradprymalnik, hramadski aktyvist, siabra apostalskaha ruchu «Lehijon Maryi»

Harłukovič Jaŭhien, parafija Biezzahannaha Začaćcia Najśviaciejšaj Panny Maryi i śv. Antonija Paduanskaha (h. Pastavy), student

Hrejć Iryna, parafija Adšukańnia Śviatoha Kryža (h. p. Astraviec), studentka

Hryniaviecki Eduard, parafija Biezzahannaha Začaćcia Najśviaciejšaj Panny Maryi (h. Babrujsk)

Hubskaja Iryna, parafija śviatoj Hanny (v. Mosar, Hłybocki dekanat Viciebskaj dyjacezii), siabra Nadzvyčajnaj rady arhkamiteta pa stvareńni Partyi «Biełaruskaja Chryścijanskaja Demakratyja»

Dudkievič Viktar, parafija Najśviaciejšaj Trojcy (h. Hłybokaje)

Duło Hanna, parafija Najśviaciejšaj Trojcy i Sv. Rocha (h. Minsk), studentka

Žarnasiek Iryna, parafija Najśviaciejšaha Serca Pana Jezusa (h. Navapołack), piśmieńnica

Ilkievič Alaksandr, parafija śviatych Symona i Aleny (h. Minsk), fiłosaf

Iskryk Iryna, parafija śviatych Symona i Aleny (h. Minsk)

Iskryk Uładzimir, parafija śviatych Symona i Aleny (h. Minsk)

Kavaleŭski Edvard Jan, parafija Pieramianieńnia Pana (h. Mahiloŭ), piensijanier, błohier

Kazakievič Dzianis, h. Hrodna, aśpirant

Kazinskaja Alena, parafija Uzvyšeńnia Śviatoha Kryža (h. Brest), studentka Vrocłaŭskaha univiersiteta

Kałtavičanka Paŭlina, parafija śviatych Symona i Aleny (h. Minsk), žurnalist partała telegraf.by

Karona Ludmiła, parafija Sv. Andreja, apostała, i sv. Leapolda Bahdana Mandziča (h. Minsk, Uručča), buchhałtar, siabra apostalskaha ruchu «Lehijon Maryi»

Kaśpiarovič Maryja, parafija śviatoha Michała Archanioła (h. Smarhoń), siabra apostalskaha ruchu «Lehijon Maryi»

Katkoŭskaja Darja, parafija Biezzahannaha Začaćcia Najśviaciejšaj Panny Maryi, juryst

Kaščyc Volha, parafija Imia Najśviaciejšaj Panny Maryi (v. Muravanaja Ašmianka, Ašmianski dekanat, Hrodzienskaja dyjacezija)

Kačałka Hanna, parafija Najśviaciejšaj Trojcy i Śviatoha Rocha (h. Minsk), studentka

Ksionžyk Julija, h. Minsk

Lištvan Alena, parafija Imia Najśviaciejšaj Panny Maryi (v. Muravanaja Ašmianka, Ašmianski dekanat, Hrodzienskaja dyjacezija)

Łukuć Marjan, parafija śviatoha Andreja (h. Słonim)

Łuniova Luboŭ, h. Minsk, žurnalistka

Łunia Michaił, parafija śviatoha Michaiła Archanioła (h. Ašmiany)

Łunia Uładzisłava, parafija śviatoha Michaiła Archanioła (h. Ašmiany)

Łupač Dźmitryj, parafija Śviatoj Trojcy (h. Hłybokaje), žurnalist, redaktar haziety «Prefiekt-info»

Łupač Ściepanida, parafija Uniebaŭšeścia Pana, (v. Dzierkaŭščyna, Hłybocki dekanat, Viciebskaja dyjacezija), siabra apostalskaha ruchu «Lehijon Maryi»

Mańko Stefanija, parafija śviatych Symona i Aleny (h. Minsk), studentka Katalickaha univiersiteta ŭ Lublinie, siabra jevanhielizacyjnaha ruchu «Śviatło-Žyćcio»

Mikałajeŭ-Paškievič Andrej Maryja Kazimier, parafija Chrysta Zbaŭcy i Naradžeńnia Najśviaciejšaj Panny Maryi (h. Minsk, Šabany), piensijanier, błohier, siabra apostalskaha ruchu «Lehijon Maryi»

Misievič Maryja, parafija śviatoha Archanioła Michała (h. Ašmiany)

Michajłoŭskaja Danuta, parafija Imia Najśviaciejšaj Dzievy Maryi (v. Muravanaja Ašmianka, Ašmianski dekanat, Hrodzienskaja dyjacezija), siabra apostalskaha ruchu «Lehijon Maryi»

Michajłoŭskaja Elvira, parafija Imia Najśviaciejšaj Dzievy Maryi (v. Muravanaja Ašmianka, Ašmianski dekanat, Hrodzienskaja dyjacezija)

Novikava Maryja, parafija śviatych Symona i Aleny (h. Minsk), paet, bard, arhanist kaścioła śviatych Symona i Aleny

Papova Halina, parafija Imia Najśviaciejšaj Panny Maryi (h. Minsk)

Partnoŭ Uładzisłaŭ, parafija Imia Najśviaciejšaj Panny Maryi (h. Minsk), student

Radzijeŭskaja Viktoryja, parafija śviatych Symona i Aleny (h. Minsk), vykładčyca, aśpirantka BDU

Rasinski Andrej, parafija Najśviaciejšaj Trojcy i Śviatoha Rocha (h. Minsk), kulturołah

Rusielik Valer, parafija śviatoha Franciška Ksaveryja (h. Hrodna)

Saj Siarhiej, parafija Maci Božaj Facimskaj (h. Kličaŭ), menedžar

Saładucha Źmicier, parafija Najśviaciejšaj Trojcy i Śviatoha Rocha (h. Minsk), režysior

Samałazaŭ Pavieł, parafija Maci Božaj Facimskaj (h. Baranavičy), student

Samal Žanna, h. Minsk, studentka Katechietyčnaha kaledža imia Z. Łazinskaha

Siŭčyk Hanna, parafija śviatych Symona i Aleny (h. Minsk)

Sierabro Siarhiej, h. Viciebsk, žurnalist, redaktar partała «Narodnyja naviny Viciebska»

Strelčań Halina, parafija Maci Božaj Trojčy Cudoŭnaj (h. Masty)

Trafimuk Viktar, parafija Imia Najśviaciejšaj Panny Maryi (h. Minsk), inžynier-prahramist

Tupieka Maryja, parafija Uniebaŭšeścia Pana (v. Dzierkaŭščyna, Hłybocki dekanat, Viciebskaja dyjacezija)

Tupieka Uładzimir, parafija Uniebaŭšeścia Pana (v. Dzierkaŭščyna, Hłybocki dekanat, Viciebskaja dyjacezija)

Urban Alina, parafija śviatoha Michaiła Archanioła (h. Ašmiany)

Chalezin Mikałaj, h. Minsk, art-dyrektar Svabodnaha teatra

Chinievič Kaciaryna, parafija śviatoha Michaiła Archanioła (h. Ašmiany)

Frałova Julija, parafija śviatych Symona i Aleny (h. Minsk), studentka Papskaha teałahičnaha fakulteta ŭ Varšavie, siabra jevanhielizacyjnaha ruchu «Śviatło-Žyćcio»

Šantar Maryja, parafija Biezzahannaha Serca Maryi (h. Orša)

Šošyn Rusłan, parafija Maci Božaj Škaplernaj (h. Miadzieł), žurnalist, student Varšaŭskaha univiersiteta

Šyłak Volha, parafija Imia Najśviaciejšaj Panny Maryi (h. Minsk), studentka

Šymkus Ryčard, parafija Najśviaciejšaj Trojcy i sv. Rocha (h. Minsk), ministrant, student

Šytal Kanstancin, parafija Serca Jezusa (v. Kruleŭščyna, Dokšycki dekanat, Viciebskaja dyjacezija), žurnalist, maderatar veb-resursa westki.info

Cierachava Maryja, parafija śviatoha Archanioła Michała (h. Ašmiany)

Ciulkoŭ Alaksiej, parafija Božaj Miłasernaści (h. Asipovičy), vieterynar, deputat Asipovickaha rajonnaha savieta

Jučkavič Aksana, parafija Imia Najśviaciejšaj Panny Maryi (v. Parafjanava, Dokšycki dekanat, Viciebskaja dyjacezija), studentka Katechietyčnaha kaledža imia Z. Łazinskaha

Janukovič Viktoryja, parafija Biezzahannaha Začaćcia Najśviaciejšaj Panny Maryi i Śviatoha Antonija Paduanskaha (h. Pastavy), studentka

Jarmišyna Nadzieja, parafija bratoŭ-apostałaŭ Piatra i Andreja, h. Brest

Źviartaje ŭvahu, što katalickija vierniki nie pryciahnuli da akcyi śviataroŭ, što mahło b pastavić apošnich pad udar.

Raniej sa zvarotam anałahičnaha źmiestu vystupili dziasiatki pravasłaŭnych aktyvistaŭ.

nn.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH