Kala dziesiaci hramadzian Biełarusi, evakuavanych učora ź Libii samalotam rasiejskaha Ministerstva nadzvyčajnych sytuacyj (MNS), prybyli na radzimu.Balšynia — dzieci i svajaki biełaruskich dyplamataŭ, jakija pracujuć u Trypali.
Adpačatku planavałasia, što ź Libii źjeduć blizu dvuch dziasiatkaŭ biełarusaŭ. Nia vyklučana, što niekatoryja jašče pasprabujuć evakuavacca na paromach u Tureččynu, a potym samalotami buduć pierapraŭlacca na «vialikuju ziamlu».
Pa słovach pradstaŭnicy Ministerstva zamiežnych spraŭ Biełarusi Maryi Vańšynaj, ciapier viedamstva vyrašaje pytańnie ź inšymi hramadzianami krainy, jakija taksama mohuć vykazać žadańnie adjechać ź Libii:
«Tyja, chto pažadaŭ vyjechać, vyjechali ŭsie. Astatnija, mahčyma, vyrašać paźniej. Zaraz ambasada praciahvaje pracavać z našymi hramadzianami. Samo saboj, pa chodu taho, jak buduć pastupać prośby ab evakuacyi, naša dyppradstaŭnictva budzie składać śpisy i pracavać u hetym kirunku dalej».
0
0
0
0
0
0
