Žonkaeks-kandydata ŭ prezidenty Volha Niaklajeva raskazała «Salidarnaści», što termin chatniaha aryštu jaje muža padoŭžany da 20 traŭnia. Umovy ŭtrymańnia nie źmianilisia, a sam Uładzimir Prakopavič, jakomu zabaronienyja znosiny z navakolnym śvietam, apošnimi dniami kiepska siabie adčuvaje.
— U jaho balić hałava i vielmi mocna śpina — pazvanočnik, — skazała Volha. — Śpina turbavała i raniej, a voś hałava — heta nastupstvy traŭmy 19 śniežnia. Daktary kazali, što praź jaje hałaŭnyja boli jašče doŭha buduć turbavać.
Žonka palitviaźnia taksama raskazała, što termin chatniaha aryštu Uładzimira Niaklajeva padoŭžany da 20 traŭnia. Pry hetym umovy jaho ŭtrymańnia zastajucca raniejšymi: zabarona na sustrečy, karespandencyju, karystańnie telefonam i internetam.
— Heta samyja žorstkija chatnija ŭmovy, jakija tolki mohuć być. I my paźniej budziem ich abskardžvać. Pa sutnaści, našaja dvuchpakajovaja kvatera zrabiłasia adnapakajovaj. U susiedniaj pastajanna znachodziacca dva supracoŭniki śpiecsłužbaŭ. Naohuł, ich try pary, jakija rehularna mianiajucca. Naturalna, usio heta značna ŭskładniaje i majo žyćcio, — dadała žonka
Prysud u dačynieńni da Vasila Parfiankova — 4 hady strohaha režymu — Uładzimir Niaklajeŭ publična kamientavać nie moža. Jaho žonka, u svaju čarhu, ličyć, što «heta žorstkaje pakarańnie, a abvinavačańnie — biespadstaŭnaje».
