Ciabra niezarehistravanaha «Maładoha fronta» zajaviła, što da jaje ničoha takoha ŭ turmie nie vykarystoŭvałasia.
«Katavańniaŭ i zajavaŭ [padpiski ab supracoŭnictvie z KDB u dačynieńni da mianie] nie było. Da žančyn było inšaje staŭleńnie», — prakamientavała Nasta Pałažanka pryznańnie Alesia Michaleviča. Jana kaža, što žančyny ŭ vypadku jakoha-niebudź uzdiejańnia ŭzdymali kryk, što zabaraniałasia ŭnutranymi praviłami. Tamu da ich i nie vykarystozvali fizičnaje katavańnie. Ale Nasta faktam katavańnia ličyć adsutnaść infarmacyi, adsutnaść sustreč z advakatami. «Ale heta ništo ŭ paraŭnańni z tym, što pieražyŭ Aleś».
Nasta Pałažanka 17 lutaha vyzvaliłasia ź SIZA KDB, dzie praviała dva miesiacy. Jana źjaŭlajecca abvinavačanaj pa spravie ab masavych biesparadkach 19 śniežnia.
