Z 3 sakavika ŭ staličnych kinateatrach «Kijeŭ», «Centralny» i «Salut» pačynajecca pakaz karciny «Karol havoryć!». Jak paviedamili u adździele infarmacyi i rekłamy UP «Kinavideaprakat», karcina budzie demanstravacca ŭ ličbavym farmacie 2D.
Stužka «Karol havoryć!» brytanskaha režysiora Toma Chupiera atrymała «Oskar» u naminacyi «Najlepšy film» na praviedzienaj 27 lutaha cyrymonii ŭručeńnia premij Amierykanskaj akademii kinamastactvaŭ. Film «Karol havoryć!» atrymaŭ čatyry «Oskary». Chupier za pracu nad karcinaj atrymaŭ statuetku «Oskar» u naminacyi «Najlepšy režysior». Premija «Oskar» u katehoryi «Najlepšaja hałoŭnaja mužčynskaja rola» dastałasia vykanaŭcu hałoŭnaj roli ŭ hetym filmie Kolinu Fiertu. U cełym karcina była pradstaŭlenaja ŭ 12 naminacyjach.
Da hetaha Kolin Fiert staŭ pieramožcam u naminacyi «Najlepšaja dramatyčnaja mužčynskaja rola» kinapremii «Załaty hłobus» u 2011 hodzie.
Siužet stužki raspaviadaje pra hiercaha Albierta, prynca Jorkskaha, jaki rychtujecca stać brytanskim karalom Hieorham VI -- baćki ciapierašniaj karalevy Jelizaviety II. Paśla taho jak jaho brat Edvard VIII adrakajecca ad pasady, hieroj nieachvotna pahadžajecca na tron. Zmučany strašnym niervovym zaikańniem i sumnieńniami ŭ svaich zdolnaściach kiravać krainaj, Hieorh źviartajecca pa dapamohu da nieartadaksalnaha łahapieda pa imieni Łajanieł Łoh. Paśla sieryi niečakanych technikaŭ i ŭ vyniku družby dvuch niepadobnych ludziej, hieroj narešcie nabyvaje svoj karaleŭski hołas.
Trejler filma
