Daradca rasijskaj ambasady ŭ Minsku Vadzim Husieŭ nastupnym čynam prakamientavaŭ siońniašniaje pasiedžańnie žurnalistam: «U nas šmat pytańniaŭ uźnikaje. Asnoŭnaje, dzie byli tyja novyja 15 paciarpiełych milicyjantaŭ, jany ž śviedki, raniej. Čamu ab ich tolki siońnia było zajaŭlena. Biezumoŭna, dobra toje, što praces prachodzić adkryta, što na jaho dapuskajuć svabodnuju presu, pravaabaroncaŭ i pradstaŭnikoŭ ambasady, adnak pytańni ŭźnikajuć».
10.50
Sudździa pryniała rašeńnie zrabić čarhovy pierapynak.
Pasiedžańnie praciahniecca 10 sakavika.
Chadajnictva ab vyzvaleńni hramadzian Rasii pad padpisku ab niavyjeździe zadavolena nie było ŭ suviazi z «ciažkim charaktaram złačynstva».
10.25
Paśla taho, jak prakuror začytaŭ novaje abvinavačvańnie, advakaty padsudnych paprasili zrabić u pasiadžeńni pierapynak, kab aznajomicca ź im.
Advakaty taksama padali chadajnictvy ab źmianieńni miery strymańnia Breusu i Haponavu i vyzvalić ich pad padpisku ab niavyjeździe. Prakuror nie pahadziŭsia z chadajnictvam, zajaviŭšy, što Breus i Haponaŭ
abvinavačvajucca ŭ asabliva ciažkim złačynstvie.
Prakuror taksama paprasiŭ sudździu dałučyć da spravy pakazańni pabitych na Płoščy milicyjantaŭ i dakumienty, jakija paćviardžajuć atrymańnie traŭm supracoŭnikami pravaachoŭnych orhanaŭ.
U dadzieny momant sudździa vyjšła ŭ admysłovy pakoj, dzie budzie razhladać chadajnictvy prakurora i advakataŭ. Pierapynak praciahniecca 10 chvilin.
10.10
Prakuror začytvaje abvinavačvańnie. Zhodna ź im, I.Haponaŭ i A.Breus viečaram
19 śniežnia akazvali ŭzbrojenaje supraciŭleńnie supracoŭnikam pravaachoŭnych orhanaŭ, bili ich, imknulisia praniknuć u Dom urada.
U abvinavačańni prahučaŭ pieralik paciarpiełych milicyjantaŭ i śpiecnazaŭcaŭ: Bułavacki, Skarachod, Kudraviec, Kaštałanaŭ, Vołkaŭ, Makalski, Karavajeŭ i inšyja. Prakuror śćviardžaje, što ŭsie jany paciarpieli ad dziejańniaŭ demanstrantaŭ 19 śniežnia na płoščy Niezaležnaści. U pryvatnaści, Skarachod atrymaŭ strasieńnie mazhoŭ, a Bułavackamu byli raźbityja vusny. Inšyja supracoŭniki pravaachoŭnych orhanaŭ «adčuli fizičny bol».
9.55
Pasiedžańnie pačynajecca. Z zały paprasili vyjści usich fotakarespandentaŭ i videaapierataraŭ.
Advakaty razmaŭlajuć sa svaimi padabaronnymi. Sudździ i prakurora pakul niama. Siońnia ludziej, jakija pryjšli na praces Breusa i Haponava, značna mienš, čym u pieršy dzień suda.
