Kancert «Lapisaŭ» u Homieli admianiajuć 22

Vystup musiŭ adbycca ŭ Lehkaatletyčnym maniežy 13 sakavika.

Homielski kancert hurtu «Lapis Trubieckoj» musiŭ adbycca ŭ Lehkaatletyčnym maniežy Homiela 13 sakavika. Ciapier nad im navisła pahroza admieny.

Čutki pra zryŭ kancerta źjavilisia adnačasova z publikacyjaj nieaficyjnaha «čornaha śpisa» tvorcaŭ kultury, u jaki trapili i «Lapisy».

Menedžar hurtu Źmicier Bieskaravajny prakamientavaŭ situacyju tak: «Pa nieaficyjnaj infarmacyi, kancert u Homieli płanujuć admianić. Jak paviedamiła nam adna z krynicaŭ, vice-mer horada patrabuje ad Haradskoha centra kultury znajści nahodu, praź jakuju kancert nie zmoža adbycca. Heta moža być niešta kštałtu truby, jakaja niečakana łopnuła. Pradadziena ŭžo bolš za 1000 kvitkoŭ.

Pa našaj infarmacyi jakraz ciapier składajecca aficyjny list z ukazańniem pryčyny, čamu kancertu nie budzie. Nie viedaju, jak heta źviazana z «čornym śpisam», ale pa časie ŭsio supadaje.

Taksama «Lapisy» źnikli z efiru bolšaści radyjostancyj krainy. Nakolki mnie viadoma, prablemaŭ ź inšymi kancertami turu pakul niama. Mahčyma, homielskija ŭłady takim čynam prosta prajaviać svaju inicyjatyvu».

Juraś Uskoŭ

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH