U Minsku jašče raz pakažuć «Avatar» u farmacie 3D

Pa šmatlikich prośbach hledačoŭ u Minsku projdzie jašče adzin pakaz filma Džejmsa Kemierana «Avatar». Pra heta paviedamiŭ hienieralny dyrektar UP «Kinavideaprakat» Minharvykankama Vasil Koktyš.

Pavodle jaho słoŭ, film budzie demanstravacca z 7 krasavika ŭ farmacie 3D u staličnych kinateatrach «Kijeŭ», «Centralny» i «Salut». Pry hetym hledačy

ŭbačać poŭnuju viersiju karciny, jakaja vyjšła minułym letam, sa scenami, što byli vyrazanyja pry mantažy.

«Avatar» zajmaje absalutnaje lidarstva pa hladackim naviedvańni ŭ kinateatrach Biełarusi. Karcina ŭpieršyniu vyjšła ŭ prakat u studzieni minułaha hoda i demanstravałasia na adkryćci pieršaha ŭ Minsku 3D-kinateatra «Kijeŭ». Za hety čas «Avatar» pahladzieli prykładna 380 tys. hledačoŭ. Aprača taho, «Avatar» źjaŭlajecca lidaram i pa kasavych zborach u Biełarusi.

Kažučy pra budučyja premjery, Koktyš paviedamiŭ, što 14 krasavika ŭ Minsku vyjdzie ŭ prakat muzyčny film «Dzieviać». Heta miuzikł režysiora Roba Maršała, za asnovu jakoha ŭziaty kinafilm Fiederyka Fielini «Vosiem z pałovaj». U hałoŭnych rolach karciny — Pieniełopa Krus, Nikol Kidman, Safi Łaren i inšyja viadomyja akciory. Film budzie demanstravacca ŭ 3D-kinateatrach u zvyčajnym farmacie.

0

0

0

0

0

0

Taćciana Daraščonak, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH