Praz administracyjny aryšt Taćciana Hračanikava nie trapiła svoječasova na apieracyju.
Žančyna musiła być praapieravana 20 śniežnia 2010. Ale za dzień da hetaha trapiła za kraty za udzieł u Płoščy. Na 15 sutak.
Jašče ŭvosień u Taćciany znajšli puchlinu. Dobrajakasnuju. Daktary pryznačyli apieracyju.
Žančyna źviartałasia da sudździ z prośbaj zamianić aryšt na štraf.
Ale jaje praihnaravali. U vyniku, kali vyzvaliłasia, joj pryjšłosia paŭtorna zdavać analizy. Jany pakazali, što
dobrajakasnaja puchlina pieratvaryłasia ŭ złajakasnuju. Taćcianie dyjahnastavali rak II stupieni.
I znoŭ čarha na apieracyju. Jaje praviali, ale z zatrymkaj na dva miesiacy.
Muž Taćciany, Juraś Špak-Ryžkaŭ, skazaŭ, što da jaho źviartajucca ludzi i prapanujuć dapamohu. Ale jon nie viedaje, jakim čynam možna dapamahčy žoncy.
Daktary admaŭlajucca nazyvać dakładny dyjahnaz, vydavać niejkija daviedki. Navat nie nazyvajuć leki, jakija patrebnyja Taćcianie.
Maŭlaŭ, jany sami zabiaśpiečvajuć žančynu nieabchodnymi miedykamientami.
Juraś paviedamiŭ, što ŭ bližejšy čas budzie adkryty rachunak, na jaki možna budzie pieraličyć hrošy dla dapamohi jaho žoncy.
Jon adznačaje, što Taćciana drenna siabie adčuvaje. Ale spadziajecca, što atrymajecca vylečycca.
Ciapier Jurasiu Špak-Ryžkavu patrebna jurydyčnaja kansultacyju nakont taho, jakim čynam jon moža atrymać ad miedykaŭ poŭnuju infarmacyju pra stan zdaroŭja Taćciany. Kantakty sp. Jurasia ŭ redakcyi.
