Łukašenka źviazaŭ valutny kryzis z aŭtamabilnym ažyjatažam, abiacaje narmalizacyju 34

Ažyjataž na valutnym rynku projdzie paśla padvyšeńnia mytaŭ na aŭtamabili. Pra heta zajaviŭ Alaksandr Łukašenka siońnia ŭ čas rabočaj pajezdki ŭ Bresckuju vobłaść, pieradaje karespandent BIEŁTA.

«Viadoma, nas vielmi mocna padkasiŭ ažyjataž z aŭtamabilami. My pahladzieli, tam bolš miljarda. Byli navat prapanovy ŭvieści zaraz hetuju pošlinu. Ale heta ŭdar pa ludziach, navošta ž užo svaich ludziej cisnuć. Vytrymajem my heta,

niachaj ludzi kupiać sabie mašynu jakuju chočuć, zamieniać, kali treba», — skazaŭ jon.

Što tyčycca tych hramadzian, jakija pryvoziać mašyny z-za miažy, kab potym ich pierapradać, kiraŭnik dziaržavy skazaŭ: «Heta biźnies. Nie možam ža my čałavieka zadušyć z-za hetaj valuty». «Ale sapraŭdy: valuta jość — idzi kuplaj, pradavaj, niama valuty — z zasiekaŭ my bolš brać nie budziem, zołatavalutny rezierv — heta śviatoje. My pavinny jaho papaŭniać».

Łukašenka miarkuje, što

praź niekalki miesiacaŭ «situacyja supakoicca».

«Ciapier jon [ažyjataž] značna mienšy, pajšoŭ na spad», — dakazvaŭ Łukašenka.

Nahadajem, mytnyja pošliny na ŭvoz aŭtamabilaŭ dla fizičnych asob u Biełarusi z 1 lipienia 2011 padnimucca da ŭzroŭniu pošlin u krainach Mytnaha sajuza.

Łukašenka nie patłumačyŭ, našto Biełarusi kaniečnie patrebny rasijski kredyt na 3 miljardy dalaraŭ, kali ažyjataž užo spadaje.

0

0

0

0

0

0

Siarhiej Hiezhała

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH