Łukašenkaŭcy chočuć źniščyć pomnik «Pakutnikam za volu i niezaležnaść Biełarusi» 22

6 krasavika spoŭniłasia 12 hadoŭ, jak pajšoŭ z žyćcia znakamity palityk Hienadź Dźmitryjevič Karpienka. Heta imia dobra viadoma žycharam horada Maładziečna, dzie Hienadź Dźmitryjevič pracavaŭ meram. Jaho namahańniami ŭ Maładečnie byŭ ustanoŭleny ŭnikalny pomnik «Pakutnikam za volu i niezaležnaść Biełarusi», da jakoha dahetul u hadaviny śmierci Hienadzia Dźmitryjeviča žychary ŭskładajuć kvietki. Stała viadoma, što miascovyja ŭłady pierad «Dažynkami» vyrašyli hety pomnik prybrać.

Pomnik «Pakutnikam za volu i niezaležnaść Biełarusi» — vałun, azdobleny kryžam Jeŭfrasińni Połackaj. Napačatku na im byŭ jašče bieł-čyrvona-bieły ściažok, jaki potym prybrali. Na adkryćci pomnika adbyłasia pieršaja ŭ historyi Biełarusi sumiesnaja słužba pravasłaŭnaha, katalickaha i ŭnijackaha śviataroŭ — takim čynam pomnik byŭ aśviečany.

Jon raźmiaščajecca ŭ samym centry horada, i mienavita da jaho miascovyja maładyja kaniečnie ŭskładajuć kvietki. Zaraz heta tradycyja budzie parušana, bo abličča horada radykalna źmianiajecca pierad «Dažynkami». A pomnik-vałun «Pakutnikam za volu i niezaležnaść Biełarusi» nie adpaviadaje nie tolki architekturnaj, ale i ideałahičnaj kancepcyi śviata.

Miascovyja pravaabaroncy i hramadskija aktyvisty zajavili, što kaštoŭny pomnik jany buduć adstojvać.

0

0

0

0

0

0

spring96.org

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH