Hramadskuju dumku pačali rychtavać da devalvacyi.
Ab nieabchodnaści takoj miery niečakana zajaviŭ hałoŭny redaktar «Sovietskoj Biełoruśsii» i sienatar pa sumiaščalnictvie Pavieł Jakubovič.
Biez usiakich «dapuścim» i «moža być» ŭ pieradačy «Kłub redaktaraŭ» Pieršaha nacyjanalnaha kanała Pavieł Jakubovič upeŭnienym tonam zahavaryŭ ab devalvacyi.
— Jamu nielha pieraskočyć u dva pryjomu. Treba rabić niešta nieadkładna. I kali jość nadzionnaja nieabchodnaść u devalvacyi rubla, to treba surjozna, nie adkładajučy pad kilim hetuju prablemu, prystupać da hetaj miery, nadzvyčaj balučaj, nadzvyčaj niazručnaj, nadzvyčaj krytyčnaj. Ale kali jana nieabchodnaja, to heta treba rabić», — zajaviŭ redaktar «SB».
Na pieršy pohlad mierkavańnie viarchoŭnaha žraca biełaruskaj ideałohii tak mocna razychodzicca z aficyjnaj linijaj, jakuju štodnia ahučvajuć Miaśnikovič, Prakapovič i Łukašenka, što spačatku biantežyšsia i pałochaješsia za los niadbajnaha Jakuboviča i Davydźki, jaki hetuju niebiaśpiečnuju «jeraś» vypuściŭ u efir. Ź inšaha boku, naprošvajecca pytańnie, a ci nie rychtujecca Ci takim čynam «hołas naroda»? Maŭlaŭ, jak ułady ni supraciŭlalisia, a suprać hramadskaj dumki nie papreš. A tamu — atrymajecie. Tak užo vychodzić, što ŭsie samyja niepapularnyja miery ŭ našaj krainie robiacca «pa prośbach pracoŭnych». Pieršaja łastaŭka ŭžo praśpiavała.
