Prakuratura Jehipta vyklikała na dopyt byłoha prezidenta Chośni Mubaraka, a taksama zatrymała na 15 sutakeks-prem jera krainy Achmieda Nazifa ŭ ramkach rasśledavańnia spravy ab raskradańni dziaržaŭnych srodkaŭ i zabojstvie mirnych demanstrantaŭ, pieradaje Reuters.
Raniej na dopyty byli vyklikanyja syny Mubaraka Ałaa i Hamal, apošni ŭ niadzielu nie pryjšoŭ na dopyt u prakuraturu.
Krychu raniej na Al Arabiya TV byŭ pakazany videazapis, na jakim Chośni Mubarak kazaŭ, što budzie ŭsialak zmahacca z paklopam ŭ ŚMI adnosna abvinavačvańniaŭ jaho i jaho siamji ŭ karupcyjnych dziejańniach. Prakuratura adznačyła, što zajava Mubaraka nijakim čynam nie paŭpłyvaje na chod śledstva.
Ź piatnicy ŭ Kairy prachodziać demanstracyi hramadzian, na jakich jehipcianie patrabujuć suda nad Mubarakam i jaho paplečnikami. Padčas razhonu akcyjaŭ pratestu ŭładami było zabita pa mienšaj miery dvoje i paraniena niekalki dziasiatkaŭ čałaviek.
Viarchoŭnaja rada ŭzbrojenych siłaŭ Jehipta abviaściła ŭ subotu ŭviečary, što hatovy addać rasparadžeńnie armii i palicyi «z užyvańniem hrubaj siły» ačyścić płošču Tachryr ŭ Kairy ad demanstrantaŭ.
Chośni Mubarak praviŭ Jehiptam z 1981, pakul masavyja narodnyja vystupy nie vymusili jaho pakinuć svaju pasadu 11 lutaha 2011 hoda.
