Z boku «asobnych aŭtaraŭ» u šerahu ŚMI i internecie byli «skoki na kryvi», zajaviŭ hienieralny prakuror Ryhor Vasilevič 13 krasavika napres-kanfierencyi dla vuzkaha koła žurnalistaŭ.
Frahmienty vystupu byli pakazany pa biełaruskich telekanałach.
«Hetyja publikacyi nasili ździeklivy, źnievažalny sens i źmiest, roznaha kštałtu śpiekulacyi i insinuacyi, — skazaŭ Vasilevič. — I heta prymušaje nas i prakuraturu, MUS i Kamitet dziaržaŭnaj biaśpieki praanalizavać u ciapierašniaj situacyi źmiest hetych vystupleńniaŭ, zajaŭ i z ulikam tych norm, jakija jość u Kryminalnym kodeksie, Kodeksie ab administracyjnych pravaparušeńniach,
vyrašać pytańnie ab pryciahnieńni asob da adpaviednaj adkaznaści vinavatych u takich dziejańniach».
«My ŭ samy najbližejšy čas budziem pravodzić taki analiz. Ja dumaju, što niejkaja častka aŭtaraŭ niedapuščalnych pa svaim źmieście publikacyj budzie vyklikana na dopyty ŭ miežach rasśledavańnia kryminalnaj spravy (ab vybuchu na stancyi mietro «Kastryčnickaja». — BiełaPAN.), i ŭ zaležnaści ad taho, jakija dapuścili jany vypady, budzie vyrašacca pytańnie ab adkaznaści», — paviedamiŭ hienprakuror.