9 śniežnia 2006 hodu adbyłasia miłaja premjera – spektakla «Narodny albom», mjuzikła Lavona Volskaha i Michała Aniempadystava pavodle adnajmiennaha muzyčnaha prajektu. Režyser – Uładzimir Kołas, aktory – vučni Kołasaŭskaha Liceju. Scena – spartovaja zala fundacyi «Kšyžova» , što pad Urocłavam, – askietyčna-hatyčnaha majontka barona fon Moltke, jaki naprykancy XX stahodździa pieratvaryŭsia ŭ bujny polska-niamiecki centar eŭrapiejskaha parazumieńnia. U śniežni 2006 hodu tut, na pamiežžy, i pravodziŭ zaniatki zabaronieny ŭ Biełarusi Licej. Padčas karotkaj sesii byŭ pastaŭleny muzyčny spektakl z cudoŭnym vakałam i bliskučymi mizanscenami. Druhi za historyju Kołasaŭcaŭ: premjera pieršaha, užo lehiendarnaha, adbyłasia ŭ 1999 h. ŭ mienskim CIUHu pry poŭnym anšlahu.
I voś druhaja pastanoŭka – sumieś školnaha kapuśniku i biełaruskaha andehraŭndu. Hulnia aktoraŭ daloka nie prafesyjnaja, ale ŭ vykanaŭcaŭ mocnyja hałasy i jaskarki teatralnaha azartu ŭ vačach. Što najbolš udałosia vykanaŭcam – dyk heta ŭžycca ŭ vobrazy.
