Niedaloka ad viosački Prudniki na Pastaŭščynie druhuju zimu dziejničaje lasnaja rezydencyja staražytnabiełaruskaha boha choładu i marozu Ziuzi.
Da Ziuzi sioleta majuć dałučycca inšyja pahanskija bostvy – Zavieja, Napaścia, Ledavik i Ahniavik, adnak ich pryjezd adkładzieny praź niespryjalnyja ŭmovy nadvorja. U Biełarusi nijak nie ŭstalujecca sapraŭdnaje zimovaje nadvorje. Ziuziu davodzicca pracavać za ŭsich. Jahonych haściej čakaje ekskursija pa siadzibie, teatralizavany spektakl, łasunki. Letaś staražytnabiełaruskaha boha choładu naviedała 1 600 čałaviek.
Ziuzia ŭjaŭlaŭsia biełarusam starym, ź biełymi, jak śnieh, vałasami na hałavie i takoj ža daŭžeznaj baradoj, nizieńkaha rostu, toŭsty; uvieś u biełaj ciopłaj vopratcy; nohi ŭ jaho bosyja, a hałava ničym nie pakrytaja. U ruce nosić žaleznuju bułavu. Ziuzia ŭźnimaje zaviruchu, miacielicu, vyklikaje ściužu, marazy. Prykładna ŭ takim vyhladzie jon i budzie sustrakać haściej u svajej rezydencyi.
