Pierad zimovymi śviatami mienčuki, što žadajuć adznačyć Novy hod i Kalady ŭ Polščy, sutyknulisia z prablemami. Ź 15 mienskich turahiencyjaŭ tolki dźvie prapanujuć adpačynak na polskich harnałyžnych kurortach na pačatku studzienia.
Pajechać u Polšču ŭ bližejšy miesiac samastojna, biez turystyčnaj pucioŭki, taksama nie atrymajecca: u Mienskim kansulacie čarha pa vizy raśpisanaja ledźvie nie da lutaha. Varta adznačyć, što prosta atrymać vizu praz ahiencyju, nie nabyŭšy tur, nie atrymajecca. Na heta nie pahadžajucca turaperatary. Tamu zastajecca adno – nabyvać pucioŭku.
U rehijanalnych kansulatach u Horadni i Bieraści takoha ažyjatažu pakul niama. Hetym i karystajucca mienčuki, jakija žadajuć taki trapić na Kalady ŭ Zakapane, ci Krakaŭ. Ale j kala haradzienskaha kansulatu ŭžo ad 8-j vystrojvajucca doŭhija čerhi ź mieścičaŭ dy pryjezdžych.
Daviedka: na siońnia zvyčajnaja adnarazovaja viza ŭ Polšču kaštuje $6, šmatrazovaja -- $30, ekspres-viza, jakuju možna atrymać na praciahu niekalkich hadzinaŭ $44 – adnarazovaja, $68 – šmatrazovaja.
