Da 125-hodździa z dnia naradžeńnia Jakuba Kołasa vydaviectva "Mastackaja litaratura" vypuściła mastackaje elektronnaje vydańnie - paemu "Novaja ziamla" i tryłohiju "Na rostaniach". Ab hetym paviedamiła karespandentu BIEŁTA viadučy śpiecyjalist "Mastackaj litaratury" Zosia Kustava.
Vydańnie vyjšła ŭ sieryi "Biblijateka školnika". Akramia tvoraŭ, ustupnaje słova da jakich napisaŭ člen-karespandent NAN Biełarusi Michaił Mušynski, na dvuch kampakt-dyskach raźmieščany taksama sieryjał Uładzimira Sułkoŭskaha "Radzima Jakuba Kołasa" z 24 karcin. Tekst da sieryjała - uryŭki z paemy "Novaja ziamla" - padabrany ŭnučkaj kłasika Vieraj Mickievič.
Śpiecyjalist adznačyła, što elektronnaja viersija tvoraŭ kłasika moža być vykarystana dla navučańnia školnikaŭ, pakolki pryznačana dla ŭznaŭleńnia na multymiedyjnych ustanoŭkach, jakimi asnaščany škoły respubliki.-
