Palitviazień Źmicier Daškievič źviarnuŭsia ŭ hienieralnuju prakuraturu z patrabavańniem pryciahnieńnia da adkaznaści za chłuślivyja pakazańni śviedak z boku abvinavačańnia.
Staršynia «Maładoha Frontu» prosić prakuraturu pakarać Aleha Małyšava i Kanstancina Savickaha, jakija śviedčyli na sudzie Daškieviča i Łobava suprać maładafrontaŭcaŭ.
Daškievič źviartaje ŭvahu prakuratury, što pakazańni Małyšava i Savickaha byli chłuślivyja i nie adpaviadali rečaisnaści.
Daškievič vykazavaje upeŭnienaść, što ŭsie, chto iłžyva śviedčyŭ suprać jaho i Eduarda Łobava — tyja «nibyta paciarpiełyja», jakija davali pakazańni z susiedniaha pakoja — u budučyni abaviazkova buduć spraviadliva pakaranyja.
Lider Maładoha Frontu padkreślivaje, što nivodnaje z pradjaŭlenych jamu j Łobavu abvinavačańniaŭ nie adpaviadaje rečaisnaści. «Usie dobra viedajuć, što ja i Łobaŭ daŭno zajmajemsia palityčnaj dziejnaściu i napadać na kahości za dzień da vybaraŭ, „padpału Rejchstaha“, nam było b vielmi niavyhadna», — zajaŭlaje Daškievič.
Savicki i Małyšaŭ — hetak zvanyja «paciarpiełyja» — u zale suda tak i nie źjavilisia. Jany adkazvali na pytańni
z-za ścienki.