Biełaruska-ŭkrainskija vučeńni sił supraćpavietranaj abarony, jakija pavinny byli pačacca 28 krasavika, pieraniesieny na niapeŭny termin. Pra heta BiełaPAN paviedamili ŭpres-słužbie Ministerstva abarony Ukrainy.
Admiena vučeńniaŭ źviazana z tym, što Viarchoŭnaj radaj jašče nie pryniaty zakon ab dopusku zamiežnych vajennasłužačych na terytoryju Ukrainy dla ŭdziełu ŭ vučeńniach u 2011 hodzie, rastłumačyli ŭ abaronnym viedamstvie. Razhlad zakonaprajekta ŭ parłamiencie zapłanavany na 11 maja.
Jak paviedamili ŭ kamandavańni VPS i vojskaŭ SPA Uzbrojenych sił Biełarusi, aficyjnaja telehrama z ukrainskaha Ministerstva abarony nakont admieny vučeńniaŭ čakajecca najbližejšym časam.
Nahadajem, zhodna ź lehiendaj vučeńniaŭ, ukrainskija siły SPA ažyćciaŭlajuć pierachop samalota — parušalnika dziaržaŭnaj miažy, rolu jakoha pavinien vykonvać samalot adnoj z baz VPS i vojskaŭ SPA Uzbrojenych sił Biełarusi.
Ad Ukrainy ŭ vučeńniach płanavałasia zadziejničać siem samalotaŭ, ad Biełarusi — dziesiać.