Bažena vučycca na mastackim fakultecie Viciebskaha dziaržaŭnaha technałahičnaha univiersiteta.
Dziaŭčyna ź dziacinstva zachaplajecca malavańniem i afarmleńniem knih. Jana adznačyła, što nie lubić zimu, choład, płoŭ, adsutnaść ježy, ź dziacinstva maryć stać madelkaj, choča vyjści zamuž pa kachańni, u jaje vialikaja siamja, samyja lepšyja siabry. I, hałoŭnaje, jak śćviardžaje kankursantka, jana samaja ščaślivaja. Dziaŭčyna taksama maryć adpravicca ŭ padarožža na rovary.
Druhoje miesca padzialili studentka fakulteta tradycyjnaj biełaruskaj kultury i sučasnaha mastactva Biełaruskaha dziaržaŭnaha univiersiteta kultury i mastactvaŭ Natalla Łaryjonava i studentka pierakładčyckaha fakulteta Minskaha dziaržaŭnaha linhvistyčnaha univiersiteta Słanchiel Rejies. Treciaje miesca — u studentki fakulteta mižnarodnaha prava i jurydyčnaj psichałohii «BIP — Instytut pravaznaŭstva» Dziny Žukoŭskaj i studentki ekanamičnaha fakulteta Instytuta ekanomiki i kiravańnia Natalli Kaplenka (Rasija).
***
«Karaleva Viasna» — adzin z samych prestyžnych studenckich konkursaŭ. Tut pieravaha addajecca naturam tvorčym i talenavitym, abajalnym, charyzmatyčnym. Udzielnicy konkursu paradavali jarkim defile ŭ samych roznych strojach — spartyŭnych, lohkich kaktejlnych, raskošnych viačernich sukienkach, vidoviščnymi tvorčymi numarami, daścipnymi adkazami ŭ intelektualnym konkursie. U jubilejnym finale konkursu pryniali ŭdzieł samyja čaroŭnyja, artystyčnyja i talenavityja studentki ź Biełarusi, Vieniesueły, Rasii, Łatvii — pieramožcy ŭsich adboračnych turaŭ.
