U Biełarusi mahčymy rezki rost biespracoŭja i ŭźniknieńnie sacyjalnaj napružanaści ŭ vypadku zachavańnia isnujučaj situacyi na valutnym rynku,
Žyćcio ŭ čarzie, hetym razam pa valutu, fota Siarhieja Hudzilina.
ličyć dyrektar
«Rezki rost biespracoŭja mahčymy, kali nie budzie vyrašana samaje hałoŭnaje na siońniašni dzień pytańnie — stvareńnie ŭmoŭ dla svabodnaha kanviertavańnia biełaruskaha rubla», — zajaviła S. Šaŭčenka ahienctvu
Jana taksama ličyć, što «hetaje pytańnie nieabchodna vyrašyć na praciahu maja, inakš situacyja moža pieraraści ŭ stadyju sacyjalnaj napružanaści». «Ja dumaju, što ŭrad ŭśviedamlaje prablemu i aktyŭna zajmajecca jaje rašeńniem», — dadała ekśpiert.
Nahadajem, što ŭčora staršynia Nacyjanalnaha statystyčnaha kamiteta Biełarusi (Biełstata), staršynia Rady pa raźvićci pradprymalnictva Uładzimir Zinoŭski, vystupajučy na kanfierencyi pa pytańniach libieralizacyi biełaruskaj ekanomiki, zajaviŭ, što
praz prablemy na valutnym rynku 600 tysiač rabotnikaŭ pa ŭsioj krainie časova prypynili svaju dziejnaść [što składaje 12% ad zaniatych u ekanomicy -- 4,7 młn].
Jon rastłumačyŭ, što heta źviazana, u tym liku, i «z kursavymi pytańniami». «Pytańnie hetaje, biezumoŭna, vyrašycca, i davoli chutka, bo heta nielha zaciahvać», — skazaŭ kiraŭnik Biełstata.
Kamientujučy siońnia zajavu Zinoŭskaha S. Šaŭčenka zaznačyła, što hetaja situcyja skłałasia ŭ krasaviku i dalejšaja
kansiervacyja situacyi na valutnym rynku tolki pahoršyć prablemy zaniataści.
«Prablema paharšajecca tym, što ŭ hetaj situacyi zvužajecca koła arhanizacyj, jakija hatovyja dać pracoŭnyja miescy. Naprykład, prablemy z zaniataściu ŭ vytvorčaści viaduć da anałahičnych prablem u handli. Usie siektary ekanomiki vielmi ciesna ŭzajemaźviazanyja, i vyrašyć prablemu budzie vielmi składana biez zabieśpiačeńnia mahčymaści volnaha nabyćcia kanviersoŭnaj zamiežnaj valuty».
Ekśpiert miarkuje, što
devalvacyja biełaruskaha rubla ŭ hetaj situacyi źjaŭlajecca najmienšym złom.
«Kali budzie mahčymaść kupić zamiežnuju valutu navat pa zavyšanym kursie — heta zdymie napružanaść z zaniataściu», — skazała jana.
S. Šaŭčenka ŭpeŭnienaja, što «hety praces moža chutka spynicca, kali źjavicca zamiežnaja valuta».
