Ministerstva sportu i turyzmu apublikavała spravazdaču, ź jakoj možna daviedacca ab dasiahnieńniach i niaŭdačach u fizkulturna-azdaraŭlenčaj, spartyŭna-masavaj i turystyčnaj śfierach ŭ 2010 hodzie, a taksama ab asnoŭnych zadačach na 2011 hod.
Zhodna z dakumientam, u 2010 hodzie MSiT vykanała 7 z 8 pakazčykaŭ prahnozu sacyjalna-ekanamičnaha raźvićcia, pryčym nie "pašancavała» tolki sportu - nie vykanany pakazčyk pa tempu rostu pasłuh fizičnaj kultury i sportu - 121,9% pry płanie 126%. Što datyčycca śfiery turyzmu, to tut jak raz naadvarot - płany nie tolki vykananyja, ale i pieravykananyja: pakazčyk tempaŭ rostu płatnych turystyčnych i ekskursijnych pasłuh skłaŭ 134,5% (płan - 126%); ekspartu turystyčnych pasłuh - 135% (płan - 119 -120%); salda turystyčnych pasłuh - 105,2 młn dalaraŭ ZŠA (płan - 90 młn).
Na raźvićcio turyzmu ŭ Biełarusi ŭ 2010 hodzie z respublikanskaha biudžetu dziaržava vyłučyła 1,49 młrd rubloŭ. Dla paraŭnańnia: u letašnim biudžecie byli zakładzienyja vydatki na nacyjanalnyja kamandy pa roznych vidach sportu ŭ pamiery 97,2 młrd rubloŭ, ci ŭ 65 razoŭ bolš, čym vydatki na turyzm. Krychu bolš, čym na turyzm, było vydzielena na navuku - 1,9 młrd, taksama ŭ trojcy «aŭtsajderaŭ» znachodziacca fizkulturna-masavyja mierapryjemstvy z 2,4 młrd dziaržaŭnaha finansavańnia.
U 2011 hodzie na turyzm płanujecca vyłučyć 2,4 młrd rubloŭ, što ŭžo za ŭsio ŭ 59 razoŭ mienš, čym finansavańnie za košt biudžetu nacyjanalnych kamand (143,3 młrd). Cikava, što finansavańnie raschodaŭ na raźvićcio chakieja z šajbaj z 2011 hoda ažyćciaŭlajecca ŭ ramkach adpaviednaj dziaržaŭnaj prahramy, i ŭ sioleta chakiej atrymaje ź biudžetu 2,6 młrd rubloŭ.
