Zamiežnuju karespandencyju Viktara Syrycy prynosiać u razarvanych kanviertach.
Tak vyhdiadajuć kanvierty z Polščy, jakija atrymlivaje Viktar Syryca.
Staršynia Baranavickaj Rady Tavarystva biełaruskaj movy imia Francyska Skaryny Viktar Syryca aktyŭna listujecca z polskim kulturna-aśvietnickim vydańniem Czasopis, jaki drukujecca ŭ Biełastoku na biełaruskaj movie.
Redakcyja rehularna dasyłaje jamu ŭ Baranavičy 2 numary svajho Czasopisa. Adnak kanvierty, jakija ciapier prychodziać z Polščy, Viktar Syryca atrymlivaje amal u razarvanym stanie.
3 maja 2011 hoda Viktar Syryca napisaŭ skarhu na imia staršyni načalnika Baranavickaha vuzła paštovaj suviazi Iryny Padvašeŭskaj, prykłaŭšy da skarhi razarvany kanviert.
U svajoj skarzie načalniku pošty jon nahadvaje, što artykuł 28 Kanstytucyi abviaščaje, što kožny hramadzianin Respubliki Biełaruś maje prava na tajamnicu karespandencyi. Tamu Viktar Syryca prosić kiraŭnictva Baranavickaha vuzła paštovaj suviazi razabracca ŭ hetaj spravie i adkazać na pytańnie: chto rehularna psuje kanvierty i parušaje jaho kanstytucyjnaje prava na tajamnicu karespandencyi.
