5 maja adbyłosia pieršaje pasiedžańnie ŭ sudzie Babrujskaha rajona i Babrujska pa spravie padpału miascovaha KDB. Na im razhladali spravy adrazu troch padazravanych — Jaŭhiena Vaśkoviča, Arcioma Prakapienka i Paŭła Syramołatava.
Maci Jaŭhiena, Rušanija Vaśkovič, raspaviała, što na pieršym pasiedžańni, u asnoŭnym, apytvali śviedkaŭ.
— Vystupali śviedki, prakuror, sudździa. Razmova išła navat pra niejkija dva miljardy biełaruskich rubloŭ, jakija byccam by pavinnyja zapłacić chłopcy za toje, što «chacieli spalić KDB». Ale pry hetym pra artykuł 218 (paškodžańnie majomaści) navat nie ŭzhadvali. Tamu na dadzienym etapie ŭsio zastajecca niezrazumiełym. Budziem čakać nastupnaha suda, a pakul idzie aznajamleńnie z materyjałami spravy i pakazańniami.
Druhoje sudovaje pasiedžańnie pa hetaj spravie adbudziecca 17 traŭnia ŭ 14:00.
0
0
0
0
0
0
