Lehiendarny chakieist, jaki rezka vystupaje za admienu čempijanatu śvietu ŭ Biełarusi, rastłumačyŭ, čamu časam nieabchodna miašać sport i palityku.
Staršynia Jeŭraparłamienta Ježy Buzek i šerah jeŭradeputataŭ, siarod jakich słavuty słavacki chakieist Peter Šciastny, źviarnulisia da prezidenta Mižnarodnaj fiederacyi chakieja z prapanovaj nie pravodzić u Biełarusi čempijanat śvietu 2014 hoda da vyzvaleńnia ŭsich palityčnych źniavolenych.
Jeŭraradyjo zastała Petera Šciastnaha, kali jon źbiraŭsia vylatać sa Strasburha ŭ Bracisłavu, kab prałabiravać siarod delehataŭ Kanhresa IIHF svaju prapanovu. Jon rastłumačyŭ, čamu ŭ vypadku Biełarusi nieabchodna miašać sport i palityku.
Spadar Šciastny, čamu vy asabista padtrymali inicyjatyvu admieny praviadzieńnia čempijanatu śvietu pa chakiei ŭ Biełarusi?
Peter Šciastny: Situacyja z asnoŭnymi pravami čałavieka ŭ susiedniaj ź Jeŭrasajuzam krainie — vielmi važnaja sprava. Havorka nie pra krainu, jakaja lažyć za sotni milaŭ ad nas. I važnaść situacyi padkreślivaje jak adnahałosna pryniataja rezalucyja amierykanskim Kanhresam, jaki pradstaŭlaje 300 miljonaŭ čałaviek, tak i pryniataja absalutnaj bolšaściu rezalucyja Jeŭrapiejskaha parłamienta, jaki reprezientuje bolš za paŭmiljarda hramadzian.
Niekatoryja ličać, što sport — heta adno, a palityka — inšaje…
Peter Šciastny: Niekatoryja rečy bolš važnyja, čym sport. Heta majo asabistaje mierkavańnie i prosta zdarovy sens.
Nie treba ŭznaharodžvać dyktatarski režym, jaki tak brutalna abychodzicca sa svaimi ludźmi.
Fiederacyja pavinna razumieć, jakija nastupstvy budzie mieć praviadzieńnie čempijanatu ŭ takich umovach. Ja cudoŭna viedaju i razumieju, što sport spryjaje dobrym adnosinam pamiž narodami, ale i zabarona spartovych mierapryjemstvaŭ mieła ŭ historyi stanoŭčyja vyniki. Naprykład, u časy zmahańnia z aparteidam. Ź niadaŭnich padziejaŭ možna pryhadać, jak u suviazi z padziejami ŭ Bachrejnie, davoli chutka pryniali rašeńnie admianić tam
A ŭ historyi suśvietnaha chakieja?
Peter Šciastny: Taksama precedenty byli. Naprykład, kali ŭ 1968 hodzie vojski SSSR i krain Varšaŭskaha paktu ŭvarvalisia ŭ Čechasłavakiju, čempijanat musiŭ prachodzić u Prazie. 19 śniežnia pryniesła radykalnyja źmieny, i my nie musim zastavacca niejtralnymi, pakul u turmie trymajuć niavinnych ludziej, pakul iduć niespraviadlivyja sudovyja pracesy.
Vy davoli dobra viedajecie pra palityčnuju situacyju ŭ Biełarusi. Ci majecie tam siabroŭ?
Peter Šciastny: Nie, ale zachaplajusia hulnioj biełaruskich chakieistaŭ — Hraboŭskaha, bratoŭ Kaścicynych. Časam u Jeŭraparłamiencie my prymajem Alaksandra Milinkieviča, Alaksandra Kazulina i inšych palityčnych dziejačaŭ.
akolki vialikaja vierahodnaść, što sioletni Kanhres Mižnarodnaj fiederacyi chakieja, jaki projdzie 13–15 traŭnia, budzie vyrašać los čempijanatu ŭ 2014 hodzie?
Peter Šciastny:
Naśpieŭ čas dla taho, kab niechta pračnuŭsia i padniaŭ hetaje pytańnie.Ja viedaju, što prezident Fiederacyi Rene Fazeł sam hetaje pytańnie padymać nie budzie.
Ale kali niechta z delehataŭ Kanhresa (staršyni nacyjanalnych chakiejnych fiederacyj) heta zrobić, to pavodle pravił, jaho musiać vynieści na hałasavańnie.
Ja sam kantaktuju ź niekatorymi z delehataŭ, a maje kalehi — ź inšymi. My robim usio mahčymaje, kab niechta padniaŭ pytańnie pra zamarozku praviadzieńnia spabornictva ŭ Biełarusi, pakul u krainie zastajucca palityčnyja źniavolenyja. Litaralna zaraz ja adlataju sa Strasburha ŭ Bracisłavu, budu tam prynamsi dva bližejšyja dni, pastarajusia skantaktavacca jašče ź niekatorymi. Kali raptam nie projdzie na hety raz, to my praciahniem svaju dziejnaść, kab zrabić heta praz hod.
Heta značyć, kali nie hety, to nastupny Kanhres moža pryniać adpaviednaje rašeńnie?
Peter Šciastny: Viadoma, da 2014 hoda buduć jašče pasiadžeńni Kanhresa, jany štohadovyja ŭ pieryjad praviadzieńnia suśvietnych spabornictvaŭ. Tamu budzie čas, kab padrychtavacca lepiej, i lepiej rastłumačyć kožnamu delehatu, što adbyvajecca. Bo na siońnia ja sumniavajusia, što bolšaść ź ich dobra prainfarmavanaja.
Biez sumnievu, my budziem praciahvać svoj cisk. My musim dziejničać, bo situacyja krytyčnaja!
U Mižnarodnaj fiederacyi chakieja Jeŭraradyjo paviedamili, što pytańnie ab admienie čempijanatu ŭ Biełarusi sapraŭdy moža być razhledžanaje ŭžo naprykancy hetaha tydnia.
«Nastupny Kanhres Mižnarodnaj chakiejnaj fiederacyi projdzie ŭ Bracisłavie 13–15 traŭnia. Pradstaŭnik luboj z 69
