Ministerstva handlu planuje zarabić za košt pieradśviatočnaha ažyjatažu 35 młrd rubloŭ. Heta na 10% bolej, čym letaś. Pra heta paviedamiŭ namieśnik ministra handlu Viačasłaŭ Drahun.
Kirmašy ŭ śviatočnyja dni (akramia 1 studzienia) buduć pracavać da 18 hadzinaŭ. Praduktovyja kramy dy hipermarkiety pracavaćmuć da 23 hadzinaŭ u pieradśviatočnyja, i z 10-j da 17-j u śviatočnyja dni.
Navahodniuju noč u restaracyjach i kaviarniach praviaduć kala 120 tysiačaŭ biełarusaŭ, ź ich u Miensku — 29 tysiačaŭ. Śviatočnaja noč u hetych ustanovach praciahniecca da 6-j ranku.
Šampanskaha ŭ prodaž pojdzie 4,5 młn plašak. A «Kamunarka» i «Spartak» narychtavali paŭtara miljona padarunkaŭ koštam ad 5 da 90 tysiačaŭ rubloŭ.
Jełki buduć pradavać za 9–15 tysiačaŭ. Navinkaj handlu stanuć błakitnyja jaliny ŭ cebrykach za 32 tys. rubloŭ.
Darečy, sioleta razdrobny tavarazvarot vyras až na 17,8%. Dola ajčynnych tavaraŭ składaje 79,7% (u tym liku charčovych tavaraŭ — 86,2%,, niecharčovych — 70,5%).
