Pytańnie ab skaračeńni terminu terminovaj vajennaj słužby z paŭtara hoda da adnaho ŭ Biełarusi bolš nie razhladajecca. Pra heta žurnalistam 20 maja ŭ Minsku paviedamiŭ načalnik hałoŭnaha
Mahčymaść skaračeńnia terminu słužby abmiarkoŭvałasia na praciahu šerahu hadoŭ ź inicyjatyvy Ministerstva abarony. Vyvučaŭsia vopyt zamiežnych dziaržaŭ. Nahadajem, suprać takoha zachadu vystupała kamandavańnie ŭnutranych vojskaŭ MUS.
Pavodle słoŭ Kupryka, vajennyja pryjšli da vysnovy, što dla atrymańnia viedaŭ i ŭmieńniaŭ vajennasłužačymi paŭtara hoda — heta aptymalny termin.
Pavialičvać u Biełarusi termin słužby da dvuch hadoŭ taksama nie płanujecca, havorać vajennyja.
U adpaviednaści z zakonam «Ab vajskovym abaviazku i vajskovaj słužbie» dla hramadzian, jakija prachodziać terminovuju vajennuju słužbu pa pryzyvie, ustanoŭleny nastupnyja terminy vajennaj słužby:
— dla tych, chto nie maje vyšejšaj adukacyi, — 18 miesiacaŭ;
— dla tych, chto maje vyšejšuju adukacyju, — 12 miesiacaŭ;
— dla tych, chto prajšoŭ navučańnie na vajennych kafiedrach abo fakultetach pa prahramach padrychtoŭki małodšych kamandziraŭ i zdaŭ ustanoŭlenyja prahramami padrychtoŭki ekzamieny, — 6 miesiacaŭ.
