Łukašenkaŭskaja Fiederacyja prafsajuzaŭ Biełarusi pryniała zajavu ab ekanamičnaj situacyi ŭ krainie, u jakoj dazvoliła sabie nie prosta miakkuju krytyku, a zapatrabavała ad urada krainy pryniaćcia nieadkładnych mier pa stabilizacyi stanovišča.
U minskaj «Karonie» vymiali ŭsiu bytavuju techniku, fotaczka.livejournal.com
«Uličvajučy najaŭnuju situacyju ŭ ekanomicy krainy, paŭsiudny rost koštaŭ na tavary, što ŭ svaju čarhu vyklikaje ažyjatažny popyt u nasielnictva, a taksama ŭ suviazi ź situacyjaj na valutnym rynku, vyklikanaj množnaściu kursaŭ, Fiederacyja prafsajuzaŭ Biełarusi zaklikaje ŭrad krainy nieadkładna pryniać miery pa stabilizacyi stanovišča», — havorycca ŭ zajavie, apublikavanaj na sajcie FPB.
FPB taksama prapanavała pravieści pazačarhovaje pasiadžeńnie Nacyjanalnaha savieta pa pracoŭnych i sacyjalnych pytańniach dla vypracoŭki «pieršačarhovych i pierśpiektyŭnych płanaŭ urada Respubliki Biełaruś pa stabilizacyi ekanomiki, zachavańniu pracoŭnych miescaŭ i dachodaŭ hramadzian, stabilizacyi spažyvieckaha rynku».
Z adnaho boku źjaŭleńnie takoj zajavy možna rastłumačyć imknieńniem kiraŭnictva FPB prykryć svoj tył na vypadak mahčymych pretenzij z boku rabočaha kłasa, što los pracoŭnych i sialan nie mocna chvaluje prafsajuzy.
Adnak varta ŭličvać i toj fakt,
što FPB prysutničaje na ŭsich bujnych i siarednich pradpryjemstvach krainy i vałodaje realnaj infarmacyjaj ab nastrojach pracoŭnych kalektyvaŭ.
Akramia taho, taki rezki i kateharyčny ton, jaki dazvoliła sabie FPB, śviedčyć ab tym, što na šerahu pradpryjemstvaŭ hetyja nastroi
Na karyść apošniaj zdahadki moža śviedčyć toj fakt, što na praciahu dvuch miesiacaŭ FPB nie mocna turbavaŭ valutny kryzis i rost koštaŭ.