Siur pra viartańnie žyćciu sensu + trejler 1

U Kanach abvieščany pieramožca kinafiestyvalu 2011 hoda. «Załatuju palmavuju halinu» 64-ha Kanskaha fiestyvalu atrymaŭ film «Dreva žyćcia» amierykanskaha režysiora Terensa Malika. Heta drama z elemientami siuru i fantastyki. U joj źnialisia Bred Pit, Šyn Pen i Džesika Čestejn. Jaje prezientujuć jak «kazku pra žyćciovy šlach techaskaha chłopčyka ad cnatlivaha malenstva da poŭnaj rasčaravańnia darosłaści, kazka pra dušu, što zabłukała ŭ sučasnym śviecie i pra sproby viarnuć žyćciu sens».

Pryz fiestyvalu za najlepšuju žanočuju rolu prysudžany aktrysie Kirsten Danst za film skandynaŭskaha režysiora Łarsa fon Tryjera «Miełancholija», vakoł jakoha akazałasia niečakana šmat skandałaŭ.

Arhanizatary Kanskaha kinafiestyvalu abviaścili dackaha kinarežysiora Łarsa fon Tryjera piersonaj non hrata paśla jaho zajaŭ ab simpatyjach da Hitlera.

Fon Tryjer na pres-kanfierencyi, pryśviečanaj pakazu «Miełancholii», zajaviŭ, što z «razumieńniem» i «spahadaj» stavicca da Hitlera. Zatym jon nazvaŭ siabie «nacystam». Dyrekcyja fiestyvalu zapatrabavała ŭ režysiora tłumačeńniaŭ, paśla čaho jon prynios svaje prabačeńni.

Pryz za najlepšy scenar atrymaŭ izrailski režysior Jozef Siedar za film «Zaŭvaha» — fiłałahičny tryler, u jakim baćka i syn, abodva — daśledčyki Tory, supierničajuć za bujny pryz.

Hran-pry Kanskaha fiestyvalu ŭ hetym hodzie vyrašana było padzialić paroŭnu pamiž turkam Nury Bilhie Džejłanom ź jahonym amal trochhadzinnym filmam «Adnojčy ŭ Anatolii» i bratami Darden, jakija pryvieźli «Chłopčyka na rovary».

Kanski kinafiestyval prachodziŭ sioleta z 11 pa 22 maja, staršynioj žury byŭ Robiert De Nira.

0

0

0

0

0

0

SH

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH