Śledčym adździełam prakuratury Minska ŭzbudžanaja kryminalnaja sprava za zhvałtavańnie (č. 1 art. 166 KK) ŭ dačynieńni da 46-hadovaha raniej nieadnarazova sudzimaha minčuka. Jon padazrajecca ŭ zhvałtavańni 20-hadovaj žycharki stalicy.
Jak paviedamiŭ staršy pamočnik prakurora Minska Siarhiej Bałašoŭ, 31 traŭnia dziaŭčyna znajšła sabie pa abjavie ŭ internecie pakoj u domie na vulicy Hromava, damoviłasia z haspadarom kvatery ab apłacie i pačała zasialacca.
Uviečary haspadar staŭ nastojliva prapanoŭvać vypić razam ź im śpirtnoje, ale dziaŭčyna admoviłasia. Tady mužčyna prymusiŭ jaje spažyć ałkahol pad pahrozaj naža, paśla čaho źbiŭ i zhvałtavaŭ. Bolš za toje, jon zabraŭ u paciarpiełaj hrošy i syšoŭ, zamknuŭšy jaje ŭ kvatery.
Kali jon viarnuŭsia, jaho ŭžo čakali supracoŭniki milicyi. Mužčyna byŭ zatrymany.
