Try hady Nastaśsia Zańko była štatnym karespandentam dziaržaŭnaj haziety «Źviazda». Narakańniaŭ na jejnuju pracu nie było, dyj na fakultecie žurnalistyki jejnaja vytvorčaja praktyka zaŭsiody aceńvałasia na 10 bałaŭ. Siaredni bał dziaŭčyny byŭ 8,45, jana nikoli nie mieła prablemaŭ z zalikami dy ispytami, zdavała svoječasova.
Na papiarednim raźmierkavańni ŭ krasaviku kamisija zaćvierdziła zajaŭku Zańko ŭ hazietu «Źviazda», ale na vynikovym joj raptoŭna admovili.«Dla mianie heta było absalutna niečakana, — raspaviadaje dziaŭčyna. — Čalcy kamisii pačali kazać, što heta rašeńnie Ministerstva infarmacyi, takaja jaho pazicyja — maŭlaŭ, treba vykonvać dziaržzamovu i jechać u pravincyju. Na maje pytańni kamisija spačatku reahavała ŭhavorami, adnak paźniej mianie pryśpiešvali, akazvali cisk, kab ja vybirała vydańnie sa śpisu. Ja ŭ šokavym stanie vybrała Kobryn. Hety zapis u pratakoł sakratar kamisii Śviatłana Kavalova zrabiła ałoŭkam, darečy».
U redakcyi spačatku ŭsie byli mocna ŭražanyja i admaŭlali, što zajaŭku adklikali. Ale paźniej ad kalehaŭ Zańko daviedałasia, što redaktaru Uładzimiru Narkieviču ŭsio ž telefanavali.
«Ja nie zajmajusia palityčnaj dziejnaściu i nie ŭvachodžu ni ŭ jakija partyi ci ruchi. Ale razam z tym ja maju svaju hramadzianskuju pazicyju, jakuju ja zaŭsiody svabodna vykazvała», — pryznajecca dziaŭčyna.
U śniežni jana pajšła ŭ naziralniki na studenckim vybarčym učastku ŭ internacie, dzie žyła. Pavodle jaje słovaŭ, u dzień vybaraŭ na ŭčastak pryjazdžaŭ dekan Siarhiej Dubovik. «Było vidać, što jon ździviŭsia, kali ŭbačyŭ, što siarod niezaležnych naziralnikaŭ jość studenty žurfaku. Jon spytaŭsia ŭ nas, ci jość parušeńni ŭ pracy kamisii. My absalutna ščyra adkazali, što parušeńni jość, bo pavodle hetych faktaŭ składali akty. Heta jamu, naturalna, nie spadabałasia», — kaža Nastaśsia.
Apošni miesiac jana chodzić z ustanovy va ŭstanovu, kab daznacca praŭdu — čamu adchili jejnuju zajaŭku? «Situacyja atrymlivajecca takaja:
dekan kaža, što heta było rašeńnie Ministerstva infarmacyi, a Ministerstva infarmacyi va ŭsim spasyłajecca na rašeńnie kamisii. Spadar Pralaskoŭski dadaje, što redaktar samastojna patelefanavaŭ dekanu napiaredadni raźmierkavańnia i skazaŭ, što adklikaje dakumienty. A redaktar tolki razvodzić rukami», —raspaviadaje studentka.
Dziaŭčyna sprabavała atrymać śpis raźmierkavańnia na žurfaku, kab pahladzieć, kaho kudy nakiravali pracavać. «Ja rychtuju skarhu na dziejańni kamisii, i mnie hetaja infarmacyja patrebnaja, bo ŭskosna ja viedaju, što astatnija imiannyja zajaŭki ŭ dziaržaŭnyja miedyi maim kaleham zadavolili.
Inšaha adnakurśnika, naprykład, u «Źviazdu» nakiravali.Ale z rektaratu mnie pryjšoŭ adkaz: «Heta infarmacyja pra pryvatnaje žyćcio, a tamu jaje nie mohuć padać».
Na mierkavańnie jurystki Śviatłany Šłomy, studentcy dali niekarektny adkaz i admysłova chavajuć infarmacyju. «Śpisy raźmierkavańnia va ŭsich univiersitetach visiać na stendzie dla publičnaha prahladu. Hetaja infarmacyja padajecca ŭ Ministerstva adukacyi, Nacyjanalny statystyčny kamitet, a ŭ vypadku z žurfakam — jašče i ŭ Ministerstva infarmacyi, tamu admova rektaratu niasłušnaja», — paviedamiła ekśpiert.
Nastaśsia Zańko składaje skarhu pavodle adkazaŭ ź Ministerstva adukacyi, rektaratu i Ministerstva infarmacyi na niepravamocnyja dziejańni kamisii.
«Skarhu ja nakiruju ŭ Dziaržkantrol, Departamient kantrolu jakaści adukacyi, a taksama ŭ Kamitet pravoŭ čałavieka.Raźmierkavańnie ŭ pryncypie jość parušeńniem pravoŭ čałavieka. Pavodle Kanstytucyi hramadzianam Biełarusi harantavanaja biaspłatnaja adukacyja», — kaža dziaŭčyna.
Pieraraźmierkavańnia ŭ hetaj spravie čakać nie vypadaje: i čalcy kamisii, i redaktar, i čynoŭniki pracujuć u adnoj źviazcy. Niahledziačy na heta, Nastaśsia Zańko nie dumaje spyniacca: «Ja nie źbirajusia kamuści štości dakazvać asabista. Ja prosta chaču, kab u našaj krainie vykonvalisia zakony. I tolki. Ja dakładna nie viedaju, što staić za maim raźmierkavańniem, ale
kali dekan i jahonyja kalehi miarkujuć, što, adpraviŭšy mianie za miežy Miensku, jany źmieniać maje pohlady i hramadzianskuju pazicyju, jany pamylajucca.Ja i nadalej budu sumlenna pracavać i svabodna vykazvać svaje mierkavańni, ułasnuju hramadzianskuju pazicyju».
