Viciebskaha aktyvista, pradstaŭnika viciebskaha moładzievaha ruchu «Volny šlach» Alaksandra Kuźniacova vyklikajuć na kamisiju za parušeńnie praviłaŭ parkoŭki. Supracoŭnikam DAI nie spadabałasia, što za łabavym škłom pryčeplenabieł-čyrvona-biełaja stužka i značok «Žyvie Biełaruś!» Paraiŭšysia z načalstvam, pradstaŭniki DAI zajavili, što za takoje aštrafavać nie mohuć, ale pakarajuć za inšaje — za parkoŭku ŭ «zialonaj zonie».
Svaju mašynu Alaksandr Kuźniacoŭ zvyčajna pakidaje ŭ dvary doma, dzie žyvie, i dahetul pretenzij da jaho nie było: «1 červienia ja padaŭ u Kastryčnickuju rajonnuju administracyju zajaŭku na praviadzieńnie pikietu, meta jakoha — pratest suprać abiasceńvańnia biełaruskich hrošaj, padvyšeńnia koštaŭ dy patrabvańnie adstaŭki ŭrada, jaki nie moža vyvieści Biełaruś z kryzysnaha stanu. Kali ja viartaŭsia, u dvary mianie čakali
Alaksandr Kuźniacoŭ atrymaŭ vyklik na kamisiju ŭ DAI, jon musić źjavicca tudy 20 červienia. Aktyvistu pahražaje štraf.
Ciapier jon čakaje adkazu z rajonnaj administracyi nakont pikietu. Arhanizatary chočuć zładzić jaho 16 červienia kala Letniaha amfiteatru. Spadar Kuźniacoŭ ličyć, što prablemy z DAI i zvarot da ŭładaŭ nakont pikietu niepasredna źviazanyja pamiž saboj — bo niezvyčajnaja ŭvaha da jaho transpartnaha srodku prajaviłasia jakraz paśla padačy zajavy.
