Jon byŭ adzinym prezydentam krainy, jaki nie abiraŭsia narodam i kalehijaj vybarščykaŭ.
U ZŠA ŭ vieku 93 hady pamior były prezydent ZŠA Džerałd Ford, što ciažka chvareŭ apošnija hady. Dž. Ford byŭ vice‑prezydentam pry Ryčardzie Niksanie, i ŭ 1974 h. zaniaŭ post kiraŭnika dziaržavy paśla adstaŭki Niksana z pryčyny uoterhiejckaha skandału. U 1976 h. respublikaniec Ford vystaviŭ kandydaturu na prezydenckich vybarach, ale prajhraŭ demakratu Džymi Karteru.
U 1976 h. biełarusy, abjadnanyja ŭ respublikanskija kluby, ahitavali hałasavać jakraz za Forda. Praŭda, byli siarod našych i prychilniki demakrataŭ. Samyja viadomyja — małodšy brat Jakuba Kołasa Michaś Mickievič i historyk Janka Zaprudnik. U 1976 h. apošnija śviatkavali pieramohu. Respublikancy ŭziali revanš pra čatyry hady, kali padtrymali Ronałda Rejhana.
