Enterahiemarahičnuju kišačnuju pałačku takoha ž štamu, jaki vyklikaŭ uspyšku śmiarotna niebiaśpiečnaha kišačnaha zachvorvańnia ŭ Hiermanii (Escherichia coli O104:H4), znajšli ŭ probach vady ručaja Erlenbach horada Frankfurt-na-Majnie (fiederalnaja ziamla Hiesen).
Ručaj praciakaje ŭ niepasrednaj blizkaści ad adnoj ź fiermaŭ, dzie vyroščvali sałatu. U liści hetych raślin raniej byli vyjaŭlenyja niebiaśpiečnyja bakteryi.
Miascovyja čynoŭniki zapeŭnivajuć, što vada z hetaha ručaja nie traplaje ŭ vadapravodnuju sietku, tamu niebiaśpieki zaražeńnia pitnoj vady niama. Adnak dvum fiermierskim haspadarkam, raźmieščanym u niepasrednaj blizkaści ad ručaja, pradpisana nie vykarystoŭvać jaho vadu ŭ haspadarčych metach, a taksama nie ŭžyvać u ježu pradukty, pamytyja vadoj z ručaja.
Miarkujecca, što
krynicaj zaražeńnia mahło stać ačyščalnaje zbudavańnie, pablizu jakoha bralisia proby vady.
Nahadajem, z pačatku traŭnia ŭ Hiermanii zarehistravana bolš za 3,3 tys. vypadkaŭ zaražeńnia niebiaśpiečnaj infiekcyjaj. Kolkaść zahinułych dasiahnuła 38 čałaviek.
Pavodle infarmacyi Instytuta imia Robierta Kocha, Fiederalnaha instytuta pa acency ryzyki i Fiederalnaha ŭpraŭleńnia pa abaronie spažyŭcoŭ i biaśpieki charčovych praduktaŭ Hiermanii ad 10 červienia, krynicaj raspaŭsiudžvańnia ŭspyški, vyklikanaj Escherichia coli O104:H4, pasłužyli prarostki babovych i inšych kultur (u tym liku takich, jak załacistaja i fasola, sačavica, lucerna). Uspyška pa-raniejšamu skancentravanaja ŭ Hiermanii.
Žycharam Hiermanii rekamiendavana nie ŭžyvać u ježu syryja prarostki, niezaležna ad krynicy pastupleńnia praduktu. Hramadzianam i pradpryjemstvam hramadskaha charčavańnia prapanavana źniščyć najaŭnyja zapasy prarostkaŭ, a taksama lubyja inšyja charčovyja pradukty, jakija mahli ź imi sudakranacca.
