Adnojčy chatniaja haspadynia Lidzija Michałna vyrašyła zvaryć boršč. Zvyčajny boršč, i pačastavać susieda Michaiła Ivanaviča, jon pracuje ŭ ministerstvie sielskaj haspadarki ministram. Pa pradukty jana, viadoma, pajšła ŭ bližejšuju da pracy Kramu «Biełaja ruś». Zručna zakuplacca prama na płoščy Niezaležnaści.
Chm… burakoŭ u kramie nie było. I morkvy taksama niama. Heta značyć naohuł nijakaj, navat impartnaj. U kramie patłumačyli tak: «zatoje cybula jość». I dadali: «morkva byvaje, prosta razabrali». Lidzija Michałna ničoha nie čuła pra budučaje padaražeńnie morkvy i panikavać nie stała, vyrašyła:
usie chatnija haspadyni krainy vyrašyli varyć boršč.
Och, cybula akazałasia… ź Niderłandaŭ pa 6.070 kiło! Ale, čakajcie, jość jašče cybula! Ajej, ź Jehipta — pa 7.030 rubloŭ. Jakaja duraść była pierapytvać pra biełaruskuju cybulu. Nu, što ž, adnoj hałandskaj cybuliny — jana tańniej jehipieckaj — na boršč całkam chopić: 640 rubloŭ. Pamiarkoŭna!
Hospadzie,
Ciapier miasa. Jałavičyna Vaŭkavyskaha miasakambinata samaja tannaja kaštavała 30.070 za kiło. Pryčym, mienš kiłahrama ŭziać nie atrymajecca — miasa było… zamarožanaje. Dla baršču bahata — padumała Lidzija Michajłaŭna. Heta dobra, što pobač Radziviłaŭski. Boršč budzie vyratavany!
U radziviłaŭskim ŭ prodažy byŭ… burak! I buraki hetyja byli biełaruskija!!! Ale pa canie fantastyčnaj: 14.930 (!) rubloŭ za kiło. Tut naša chatniaja haspadynia ŭspomniła, jak nadoječy ŭ «Čkałaŭskim» bačyła buraki polskija pa 11.320 za kiło. Jašče tady padumała, što heta vielmi doraha. Ale iści ŭ treciuju kramu pa polski burak — heta navat śmiešna. I Lidzija Michałna ŭziała čatyry buraki, zapłaciŭšy za krychu mienš paŭkiłahrama 7.107 rubloŭ.
O, boža, tut i morkva jość! «Morkva mytaja» ź Niderłandaŭ kaštavała 9.410 za kiło. A niamytaj biełaruskaj u radziviłaŭskim nie było. Dźvie nievialikija mytyja zaviesili na 1.600 rubloŭ. I jašče hałoŭka časnaku kitajskaha — ab biełaruskim navat nie marym — 1.870 rubloŭ (za kiłahram košt… 58.500).
Treba pryznać, što boršč ŭ Lidzii Michałny atrymlivaŭsia darahim, prytym biełaruskaha ŭ im pakul było nie šmat.
A voś piatruška ajčynnaja! Chatniaja haspadynia tak piatrušcy ŭzradavałasia, što na canu nie zirnuła (42900 za kh) i kupiła pučok za 1716 rubloŭ. O, boža, dy tut i biełaruskaja bulba pradajecca! Pa 2.030 rubloŭ za kiłahram! Ale chto ž viedaŭ….
Tamat ajčynny zavažyŭ na 3390 rubloŭ. «Amal jak dalar kaliś», — padumała pra siabie Lidzija Michałna i pajšła ŭ miasny adździeł. Prychapiŭšy pa darozie maaaleńki pučok zialonaj cybuli, hulać tak hulać. Dva piorcy paciahnuli na… 1831 rubloŭ (28.600 za kiło).
Miasny adździeł Lidziju Michałnu krychu źbiantežyŭ, tak. Jałavičyna pa 16.980, ale takoha vyhladu, chm…. Byŭ jašče kuryny supavy nabor pa 4.414 rubloŭ. Ale ci acenić smak takoha baršču čałaviek, jaki pracuje ministram? Tak, i nie zabycca zapravu «Dla baršču», treba 1.490 rubloŭ.
Usio, zaraz dadomu varyć….
Doma Lidzija Michałna razhledzieła ček.
Boršč atrymaŭsia navarysty: 39.210 rub. Na biudžet pražytačnaha minimumu možna zvaryć 8 rondalaŭ takoha baršču!Dobra, z kurynym supavym naboram vyjdzie až 15 rondalaŭ!
Nad barščom pracavali: Niderłandy, Kitaj, Polšča, Jehipiet i Biełaruś usioj svajoj sielskaj haspadarkaj.
