Poŭny śpis abstalavańnia, pastaŭki jakoha ŭ Biełaruś zabaronieny Radaj ES 3

publikavany poŭny śpis abstalavańnia, pastaŭki jakoha ŭ Biełaruś zabaronieny Savietam Jeŭrasajuza.

Zhodna z pastanovaj savieta, zabaroniena «pradavać, pastaŭlać, pieradavać ci ekspartavać, niepasredna abo ŭskosna, abstalavańnie, jakoje moža być vykarystana dla ŭnutranych represij, niezaležna ad taho, ci vyrablena jano ŭ ES, luboj asobie, arhanizacyi ci orhanu ŭ Biełarusi abo dla vykarystańnia ŭ Biełarusi».

U śpis abstalavańnia, na pastaŭki jakoha raspaŭsiudžvajecca embarha ES, uklučana:

1. Ahniastrelnaja zbroja, bojeprypasy i źviazany ź imi invientar, a mienavita:

1.1. Ahniastrelnaja zbroja, jakaja nie rehulujecca Častkaj 1 i Častkaj 2 Ahulnaha vajennaha śpisu Jeŭrapiejskaha sajuza (Ahulny vajenny śpis);

1.2. Bojeprypasy, śpiecyjalna raspracavanyja dla ahniastrelnaj zbroi, zhadanaj u punkcie 1.1, i śpiecyjalna raspracavanyja dla jaje detali;

1.3. Zbrojevyja pryceły, što nie rehulujucca Ahulnym vajennym śpisam.

2. Bomby i hranaty, što nie rehulujucca Ahulnym vajennym śpisam.

3. Nastupnyja transpartnyja srodki:

3.1. Transpartnyja srodki, asnaščanyja vadamiotami, śpiecyjalna raspracavanyja abo madyfikavanyja dla baraćby ź biesparadkami;

3.2. Transpartnyja srodki, śpiecyjalna raspracavanyja abo madyfikavanyja dla elektryfikacyi z metaj adbivańnia napadnikaŭ;

3.3. Transpartnyja srodki, śpiecyjalna raspracavanyja abo madyfikavanyja dla źniščeńnia barykad, u tym liku budaŭničaje abstalavańnie z balistyčnaj abaronaj;

3.4. Transpartnyja srodki, śpiecyjalna pryznačanyja dla dastaŭki abo pieravodu źniavolenych i/abo zatrymanych;

3.5. Transpartnyja srodki, śpiecyjalna pryznačanyja dla razhortvańnia mabilnych barjeraŭ;

3.6. Detali dla transpartnych srodkaŭ, zhadanych u punktach 3.1–3.5, śpiecyjalna raspracavanyja z metaj baraćby ź biesparadkami.

Zaŭvaha 1: Hety punkt nie rehuluje aŭtamabili, śpiecyjalna raspracavanyja dla metaŭ pažaratušeńnia.

Zaŭvaha 2: Dla metaŭ punkta 3.5 termin «transpartnyja srodki» ŭklučaje pryceły.

4. Vybuchovyja rečyvy i nastupnaje źviazanaje ź imi abstalavańnie:

4.1. Abstalavańnie i prystasavańni, śpiecyjalna raspracavanyja dla praviadzieńnia vybuchaŭ elektryčnymi ci nieelektryčnymi srodkami, uklučajučy pulty, detanatary, zapalnyja prystasavańni, uzmacnialniki vybuchu, detanirujučyja šnury i śpiecyjalna raspracavanyja detali dla ich; za vyklučeńniem śpiecyjalna raspracavanych dla kankretnaha kamiercyjnaha vykarystańnia, funkcyjaj jakich nie źjaŭlajecca praviadzieńnie vybuchaŭ (naprykład, nahniatalnyja prystasavańni dla aŭtamabilnych padušak biaśpieki, zaścierahalnyja razradniki ad pieranapružańnia, pažaratušylnyja prystasavańni) i ŭ jakich spracoŭvajuć abo ekspłuatujucca vybuchovaniebiaśpiečnyja srodki;

4.2. Padoŭžanyja zarady, što nie rehulujucca Ahulnym vajennym śpisam;

4.3. Inšyja vybuchovyja rečyvy, što nie rehulujucca Ahulnym vajennym śpisam rečyvaŭ, i nastupnyja źviazanyja ź imi rečyvy:

a. amatoł;

b. nitracelułoza (jakaja ŭtrymlivaje bolš za 12,5% azotu);

c. nitrahlikol;

d. pientaerytrytołtetranitrat (TEN);

e. pikrył-chłaryd;

f. 2,4,6-trynitratałuoł (TNT).

5. Nastupnaje zaścierahalnaje abstalavańnie, jakoje nie rehulujecca Častkaj 13 Ahulnaha vajennaha śpisu:

5.1. Broniekamizelki, jakija zaścierahajuć ad kul ci chałodnaj zbroi;

5.2. Kaski, što zaścierahajuć ad kul i/abo askołkaŭ, šlemy, šlemy i ščyty dla baraćby z masavymi biesparadkami, ščyty balistyčnaj abarony.

Zaŭvaha: Hety punkt nie rehuluje:

— abstalavańnie, śpiecyjalna raspracavanaje dla spartyŭnych mierapryjemstvaŭ;

— abstalavańnie, śpiecyjalna raspracavanaje dla arhanizacyi biaśpieki rabot.

***

6. Simulatary, za vyklučeńniem tych, što rehulujucca Častkaj 14 Ahulnaha vajennaha śpisu, dla navučańnia stralbie z ahniastrelnaj zbroi, i śpiecyjalna raspracavanaje dla hetaha prahramnaje zabieśpiačeńnie.

7. Prybory načnoha bačańnia, abstalavańnie dla nazirańnia z vykarystańniem ciepłavizijnych pryboraŭ i elektronna-aptyčnyja pieraŭtvaralniki, aprača tych, što kantralujucca Ahulnym vajennym śpisam.

8. Kalučaja stužkavaja zaharoda.

9. Vajennyja nažy, bajavyja nažy i štyki ź lazom daŭžynioj bolš za 10 sm. 10. Vytvorčaje abstalavańnie, śpiecyjalna pryznačanaje dla elemientaŭ, zhadanych u hetym śpisie.

11. Śpiecyjalnyja technałohii dla raspracoŭki, vytvorčaści abo vykarystańnia pradmietaŭ, zhadanych u hetym śpisie.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH