Unutranaja palityka padatkaabkładańnia na naftapradukty ŭ Biełarusi, vidać, budzie źmieniena. Ab hetym paviedamiŭ 29 śniežnia na pres‑kanfierencyi namieśnik ministra finansaŭ Ivan Šuńko, kamiencirujučy mahčymyja źmianieńni ŭ padatkovaj palitycy krainy ŭ suviazi z uviadzieńniem Rasijaj mytnych pošlin na pastaŭku ŭ Biełaruś syroj nafty. Jon adznačyŭ, što akcyzy na naftapradukty źjaŭlajucca takim vidam płaciažu, jaki spahaniajecca z vysokadachodnych tavaraŭ. «Kali dachody nizkija, to akcyzy mohuć być admienieny abo źnižany. Usio heta zaležyć ad taho, jakoj budzie cana na naftu i jak składziecca raźvićcio ekanomiki krainy», ‑ ličyć namieśnik ministra. Kali rasijskija naftavyja kampanii buduć pastaŭlać u Biełaruś naftu pa bolš vysokaj canie, «to, zrazumieła, takoj pošliny, jak ciapier, nie budzie», adznačyŭ Ivan Šuńko.
