8 lipienia ŭ minskim kafe «Majak» adbyłasia sustreča tvorčaj intelihiencyi sa svajakami asudžanych udzielnikaŭ akcyi 19 śniežnia 2010 hoda.
U sustrečy ŭziali ŭdzieł litaratary Uładzimir Niaklajeŭ, Siarhiej Zakońnikaŭ, Andrej Chadanovič, Aleś Lipaj, Uładzimir Arłoŭ, Alaksandr Tamkovič, muzykant Lavon Volski. Pradstaŭniki tvorčaj intelihiencyi vykazali salidarnaść svajakam źniavolenych, pračytali vieršy, padaryli knihi z aŭtohrafami dla pieradačy ich źniavolenym.
Uładzimir Niaklajeŭ raskazaŭ pra sustreču karespandentu BiełaPAN: «Siońnia my arhanizavali sustreču ŭ padtrymku svajakoŭ palitviaźniaŭ. Naturalna, samich palitviaźniaŭ, ale pakolki ź imi my spatkacca na dadzieny momant, na žal, nie možam, to zaprasili ich svajakoŭ: žonak, siostraŭ, bratoŭ, karaciej kreŭnuju radniu. Razam z tymi, chto siońnia vychodzić paśla płoščy 2010 hoda, 19 śniežnia, na płoščy ŭsich haradoŭ respubliki ŭ maŭklivych akcyjach, — hetyja ludzi robiać adnu, aproč usiaho astatniaha, važnuju reč: jany ratujuć ad hańby naš čas.
Ciapier u budučym, blizkim ci dalokim, nichto nie zmoža skazać, što my, ludzi jakija žyli u hetym časie, nie mieli prahi da svabody i nie mahli adstajać svaju čałaviečuju hodnaść. Mahli — zmahli!»
«Nichto z tych, kaho aryštavali za
Nivodny čałaviek, choć ich łamali, zapałochvali, i nivodny sa svajakoŭ nie padyšoŭ i nie staŭ na kaleni:«Adpuścicie majho rodnaha, adpuścicie majho brata, adpuścicie majho muža». Nie! Usie patrabujuć tolki: «Vyzvalicie našych rodnych, jakija stajać za svabodu!» — zaznačyŭ Niaklajeŭ.
