Były reparcior ANT S. prysudžany sudom Savieckaha rajona Minska da piaci hadoŭ pazbaŭleńnia voli z adbyvańniem pakarańnia ŭ kałonii ŭzmocnienaha režymu i kanfiskacyjaj majomaści.
Jak paviedamili BiełaPAN u prakuratury Minska, jon pryznany vinavatym u machlarstvie ŭ asabliva bujnym pamiery (č. 4 art. 209 KK) i pryčynieńni majomasnaj škody biez prykmiet kradziažu, jaki byŭ ździejśnieny ŭ bujnym pamiery (č. 2 art. 216 KK). Pazovy paciarpiełych da abvinavačanamu sudom nie razhladalisia.
Nahadajem, pavodle infarmacyi HUUS Minharvykankama, raspaŭsiudžanaj u pačatku krasavika, supracoŭnikami padraździaleńniaŭ pa baraćbie z ekanamičnymi złačynstvami HUUS i Savieckaha RUUS Minska była zavieršana asnoŭnaja stadyja pravieračnych mierapryjemstvaŭ u ramkach zaviedzienaj spravy pa č. 4 art. 209 KK (machlarstva) u dačynieńni da
U śpis achviar machlara ŭvajšli čatyry bankaŭskija ŭstanovy, dzie na jaho imia byli aformlenyja piať kredytaŭ.
Hrošy vydavalisia na tak zvanyja spažyvieckija patreby, adnak, pavodle najaŭnaj u apieratyŭnikaŭ infarmacyi, vialikaja ich častka była vydatkavanaja na naviedvańnie ihralnych i zabaŭlalnych ustanoŭ.Daručalnikami machlara vystupali ŭ tym liku jaho kalehi pa pracy. Kali ŭ ich adras z bankaŭ stali pastupać patrabavańni ab pahašeńni kredytaŭ, adzin z daručalnikaŭ źviarnuŭsia z zajavaj u milicyju.
1 krasavika padazravanamu było pradjaŭlenaje abvinavačvańnie, i jaho źmiaścili pad vartu.
Paviedamleńnie ab tym, što, pracujučy ŭ ZAT «Druhi nacyjanalny kanał», reparcior padaŭ u banki niedakładnyja źviestki i zdoleŭ atrymać 11,3 tysiačy dołaraŭ i 10 tysiač jeŭra, źjaviłasia ŭ internecie 18 lutaha. Śćviardžałasia, što siarod paciarpiełych bankaŭ — AAT «Bank
