Na Haradzienščynie bałatujecca kala dziejasiatka niezaležnych kandydataŭ. Heta tolki tyja, što prajšoŭ praź pieršuju abłonku hetych vybaraŭ.
Siońnia raspaviadu vam tolki pra tych, čyjo imia ŭžo dosyć viadoma siarod haradziencaŭ.
Iduć na vybary ŭ haradski saviet 2 deputaty, jakija byli u Hrodzienskim haradskim saviecie: heta Siarhiej Antusievič (1973 hodu naradžeńnia), staršynia piarvičnaj arhanizacyi Biełaruskaha niezaležnaha prafsajuzu «Hrodna Azota», siabra partyi BNF. Jon idzie pa Lidskaj vybarčaj akruzie № 29.
Jaho kaleha pa harsavietu Siarhiej Kuźmianok, 1964 hodu naradžeńnia, vykładčyk Hrodzienskaha filijała ŭstanovy adukacyi «dziaržaŭny instytut pavyšeńnia kvalifikacyi, padrychtoŭki i pierapadrychtoŭki kadraŭ u halinie hazazabieśpiačeńnia «Hazinstytut», biespartyjny. Spadar Siarhiej idzie na vybary pa Paŭdniovaj akruzie № 31.
Aproč hetaha na vybary vyłučanyja jašče 2 pradstaŭniki ad partyi BNF – heta: Dzianis Ivašyn, pradprymalnik, 1979 hodu naradžeńnia i Andrej Frałoŭ, časova niepracujučy, 1985 hodu naradžeńnia. Hetyja maładziony iduć adpaviedna pa Čajkinskaj № 16 i pa Aziorskaj № 30 vybarčym akruham.
Ad partyi AHP u haradski i abłasny saviet vyłučany nastupnyja kandydaty: Jury Istomin, 1976 hoda naradžeńnia, dyrektar tavarystva z abmiežavanaj adkaznaściu «Birža Infarmacyi» i Dzitry Słucki, 1963 h.n. – ślesar kantrolna –vymiaralnych pryboraŭ i aŭtamatyki z «Hrodna Chimvałakno».
Z horadu u abłasny saviet bałatujucca jašče : Uładzimier Kisialevič, 1957h.n. advakat jurydyčnaj kansultacyi Kastryčnickaha rajonu Hrodna, siabra Biełaruskaj sacyjał‑demakratyčnaj partyi (Hramada) i siabra BNF Valery Kisiel, 1975 h.n, hałoŭny inženier praektaŭ sumiesnaha tavarystva z abmiežavanaj adkaznaściu «Kansent».
Taksama viadomyja niekalki imionaŭ ludziej što iduć na rehijonach: Aleś Zarembiuk z Mastoŭ i Alaksandr Dziarhačoŭ sa Smarhoniaŭ.
Heta pakul što nievialički śpis niezaležnych kandydataŭ z Haradzienščyny.
