Navumčyk: Vaš prahnoz na budučyniu?
Paźniak: "Moj prahnoz na budučyniu taki. Zaraz ułada ŭ Biełarusi nielehitymnaja. Łukašenka nia jość lehitymnym prezydentam, i nia jość zakonnym. Akramia taho, parlament nie pryznany Eŭraźviazam, heta — taksama nielehalnaja ŭłada. Volnaja Biełaruś pakazała, što jana žyvie i ŭzdymajecca z kaleniaŭ, i budzie žyć. Tamu ja liču, i ŭ bližejšy čas apublikuju svaju zajavu, uzhodnienuju z partyjaj, što treba nieadkładna stvarać časovy nacyjanalny ŭrad Biełarusi. Hety časovy ŭrad treba stvarać adnačasna i ŭ Biełarusi, i ŭ zamiežžy. Z prysutnaściu jaho za miažoj lehalnaj i dyskretnaj u Biełarusi.
Meta hetaha ŭradu — ŭziać na siabie dziejańni pa likvidacyi dyktatury na Biełarusi. I kankretnaja meta, jakaja ŭspłyvie rana ci pozna — heta arhanizacyja vybaraŭ. Biełaruski narod nie pavinien zastacca bieź ničoha ŭ vypadku rezkaha pavarotu. Pavinien być pradstaŭničy orhan, pavinien być orhan u vyhladzie časovaha ŭradu, jaki prymie takoje rašeńnie. Ab hetym mnoj havaryłasia raniej. kali staviłasia pytańnie pra Narodnaje hałasavańnie. Ja nie raskryvaŭ sutnaści hetaj źjavy, ciapier ja kažu ab tym, što heta nieabchodna zrabić.
Pry tym, u časovy nacyjanalny ŭrad mohuć być delehavanyja, vybranyja pradstaŭniki lubych biełaruskich arhanizacyjaŭ, jakija nia zhodnyja z dyktaturaj. U tym liku z asiarodździa kandydataŭ u prezydenty, jakija vystupali suprać režymu. Mohuć vybranyja być asoby adpaviednyja. I z hetaj metaj ja apublikuju hetuju zajavu. Ja daju svaje telefony, svaju elektronnuju poštu ŭ Varšavie, i prapanuju terminova pravieści kansultacyi. Paśla hetaha pryniać adpaviednaje rašeńnie.
Navumčyk: "Ci treba razumieć hetyja Vašyja słovy jak prapanovu kanstultacyjaŭ taksama i Milinkieviču i Kazulinu?"
Paźniak: "Ja skazaŭ dakładna, što maju na ŭvazie palityčnaje asiarodździe tych kandydataŭ, jakija vystupali suprać režymu. Heta značyć, što ja nia maju na ŭvazie ni Łukašenku, ni Hajdukieviča. A kaniešnie tolki tych, chto suprać dyktatury, u tym liku i Vajtoviča, jaki źniaŭsia. U pryncypie, heta pavinien być urad nad partyjami, jaki palahaje na ahulnanacyjanalnych zadačach — zachavać našuju Niezaležnaść, svabodu, pazbavicca ad dyktatury, zachavać nacyjanalnyja kaštoŭnaści, ekanomiku, ziamlu, ludziej. i hetak dalej. Voś mety nacyjanalnaha ŭradu. I ja ŭpeŭnieny. što kali nacyja ŭpeŭnicca, što my heta zrobim — a my hatovyja da hetaha — to my budziem mieć padtrymku. I ŭ hetym ja pierakanany. Ja baču, jak raźvivajecca sytuacyja i ŭ ZŠA, i ŭ Polščy, dzie ja. darečy, najbolš byvaju". (19.03.06)
Pavodle advakata, Alaksandar Kazulin nastojvaje na abmierkavańni prablemy lehitymnaści Alaksandra Łukašenki. Spadar Kazulin nastojvaje na tym, što ŭłada ŭ Biełarusi nielehitymnaja, tamu treba terminova stvaryć urad narodnaha davieru. Zrabić heta Alaksandar Kazulin prapanuje na Kanhresie demakratyčnych siłaŭ. Palityk zaklikaje nie bajacca mahčymych represijaŭ suprać siabroŭ uradu narodnaha davieru, pakolki “takija represii buduć niezakonnymi”. (05.01.07)
