Adpaviednaja prapanova ad imia staršyni «Biełnaftachima» Ihara Žylina zroblenaja bujnomu rasijskamu chołdynhu pa vytvorčaści ŭhnajeńniaŭ «Fosahro».
U siaredzinie lipienia kiraŭnik «Biełnaftachima» Ihar Žylin prapanavaŭ hiendyrektaru «Fosahro» Maksimu Vołkavu razam raźvivać Homielski chimzavod, adzin z varyjantaŭ — prodaž akcyj pradpryjemstva, raskazaŭ «Viedomostiam» supracoŭnik adnoj z hetych kampanij. Pavodle jaho słovaŭ, u liście Žylina niama ni pakieta, jaki prapanoŭvajecca, ni acenki Homielskaha zavoda. Biełarusy hatovyja pradać jaho całkam, ličyć menedžar adnoj z rasijskich chimkampanij. Ale inšych paćvierdžańniaŭ hetamu niama. «My nakiroŭvali ŭ kampaniju „Fosahro“ prapanovy pa dalejšym supracoŭnictvie, varyjanty jakoha buduć abmiarkoŭvacca. Jany razhladajuć našu prapanovu», — skazała «Interfaksu» pradstaŭnik «Biełnaftachima» Maryna Kaściučenka. A pradstaŭnik «Fosahro» tolki paćvierdziŭ atrymańnie «papiaredniaj prapanovy» ad «Biełnaftachima», uklučajučy prodaž akcyj, dadaŭšy, što ŭsio heta treba abmiarkoŭvać.
Homielski zavod — adziny ŭ Biełarusi vytvorca fasfatnych uhnajeńniaŭ, letašniaja vytvorčaść — prykładna tracina ad prodažaŭ toj ža pradukcyi ŭ «Fosahro» (kala 700 tys. ton, pavodle dadzienych ahienctva BIEŁTA). Pavodle słovaŭ Kaściučenka, zavodu patrebnyja inviestary z ułasnaj syravinaj. Jašče ŭ 2009 hodzie Minsk prapanoŭvaŭ partniorstva inšamu rasijskamu chołdynhu — «JeŭraChimu» (u vychodnyja jaho pradstaŭniki na pytańni pra aktyŭ nie adkazali). Homielski zavod zaležyć ad rasijskaha apatytavaha kancentratu, «jak by my ni chacieli zamiaścić jaho kazachstanskim, marakanskim abo vieniesuelskim», tłumačyŭ tady namieśnik staršyni «Biełnaftachima» Branisłaŭ Sivy. A pastaŭščyki kancentratu z Rasii — «Jeŭrachim» i «Fosahro». Pahadnieńnie z «JeŭraChimam» nie adbyłasia: pavodle prezidenta Biełarusi Alaksandra Łukašenki, za aktyŭ prapanavali «mizernyja» 111 młn dalaraŭ, a Homielski zavod — «fłahman Savieckaha Sajuza». Kolki jon kaštuje nasamreč, Łukašenka tady nie ŭdakładniŭ. Składana acanić jaho i ciapier, adznačaje analityk «Inviestkafe» Anastasija Sasnova: finansy pradpryjemstva nieviadomyja.
Biełaruś rychtuje pryvatyzacyju, kab atrymać kredyt «JeŭrAzES», ale rasprodažy pa dempinhavych cenach nie budzie, papiaredziŭ niadaŭna Łukašenka. Homielski zavod całkam moža zacikavić «Fosahro», ličyć Sasnova, ale ŭsio zaležyć ad cany.
Da taho ž, pahadnieńniu moža pieraškodzić niepradkazalnaść biełaruskich uładaŭ.U pačatku hoda Łukašenka kazaŭ, što mahčymy prodaž akcyj inšaha fłahmana — «Biełaruśkalija», jaki kaštuje, pavodle jaho słovaŭ, minimum 30 młrd dalaraŭ. Potym Łukašenka skazaŭ, što kalijny hihant nie pradajecca zusim. A śledam pieršy
