Ministerstva ekanomiki admianiła administratyŭnyja miery, jakija abaviazali vytvorcaŭ aŭtamabilnaha paliva i palivazabiaśpiečvajučyja arhanizacyi ažyćciaŭlać jaho pastaŭku sialhasarhanizacyjam pa lhotnych cenach.
U pryvatnaści, admianiajecca pastanova, zhodna ź jakoj masimalna mahčymyja fiksavanyja ceny na naftapradukty, jakija vyrableny sa zdabytaj u Biełarusi nafty, nie pavinny pieravyšać svabodnyja ceny kancenrna «Biełnaftachim» na anałahičnyja naftapradukty ź impartnaj nafty.
Pastanovaj Minekanomiki taksama admieniena abmiežavańnie pa vieličyni handlovaj nadbaŭki ŭ pamiery 7% pry aptovaj realizacyi naftapraduktaŭ spažyŭcam, jaki adniesieny da razradu pryjarytetnych, i 2% — pry roźničnaj realizacyi.
Całkam admienieny maksimalnyja handlovyja nadbaŭki — 3,5%-6% — jakija dziejničali pry realizacyi dyzielnaha paliva (niezaležna ad pachodžańnia syraviny) sialhaspradpryjemstvam i inšym arhanizacyjam, jakija vykonvali pastaŭki aŭtamabilnaha paliva pradpryjemstvam APK respubliki.
