«Vopli», «lapisy» i «zdoby»
Raspačniecca muzyčnyja fejeryja 2 śniežnia ŭ mienskim Pałacy sportu. Tam zajhrajuć «Vopli Vidaplasava», «Zdob Si Zdub» i «Lapis Trubiackoj». Pačatak a 19-j. Jašče «Zdob Si Zdub» naviedajecca ŭ studyju «Lapisaŭ», kab zapisać ź imi pieśniu «Nie sumuj, tavaryš!». U hety ž dzień — kiłbaśnia ŭ klubie «Reaktar»: piacihadzinnaja hardkor-viečaryna. Udzieł biaruć «Kukły», «TT-34», «Partyzone», «Źmiaja». Akcyja prymierkavanaja da Dnia baraćby sa ŚNIDam. Sapraŭdny kajf — u muzycy, a nie ŭ narkotykach, kažuć zavadatary. Pačatak kancertu ŭ 17.00. Hledačam buduć masava razdavacca prezervatyvy.
3 śniežnia ŭ Pałacy mastactvaŭ (vuł. Kazłova), «Saša i Siroža» prezentujuć dysk «Ska-ty». U akcyi voźmuć udzieł idejna blizkija hurty «Raźbitaje serca pacana» i «Srebnaje viasielle». Pačatak a 18-j.
Horadnia
U Horadni 3 i 4 śniežnia — festyval «Try šruby». A 18-j na scenu kinateatru «Kosmas» vyjduć haradzienskija «Ajša», «Voobražajemyje ludi», mienskija «Rykašet», «Maŭzer Papanina» dy inšyja. Ekskluzyŭ «Troch šruboŭ» — vystup miascovaj kamandy «Beauty&Monster» z vakalistam-halandcam i paralelnaja asid-viečaryna, jakaja budzie prachodzić na druhoj placoŭcy festu.
Bieraście
U Bieraści — svoj dvuchdzionny fest. U klubie «Vezuvij». 2 i 3 śniežnia — kancert z udziełam 20 hurtoŭ. Hedłajnery — «Ściana» i «:B:N:». U feście biare ŭdzieł i pravakacyjnaja kamanda ź Biełaaziersku «Bardak-chaŭs», jakaja słavicca hratesknymi performansami na scenie.
Połacak
Ale samaja hrandyjoznaja padzieja ŭik-endu — u Połacku. Tam ad 2 da 4 śniežnia krucicca «Rok-koła». U haradzkim pałacy kultury možna budzie pabačyć ekspazycyju, pryśviečanuju historyi biełaruskaha roku. Tamsama, na adkryćci festu, zajhrajuć «IQ-48», Ihar Varaškievič, «Flaŭs i Klajn». Pryjedzie «Tavaryš Maŭzer» z Mahilova, viciebski «Ałmazny front», dziavočy rok-prajekt z Połacku «Indra», što hraje pieśni na vieršy Lery Som — usiaho 31 hurt. Kancerty buduć ciahnucca ad 12.00 da 21.00. 4-ha — hała-kancert z udziełam pieramožcaŭ «Rok-koła-2005» i haściej — «N.R.M.», «Stoks» i «Madery-hard-bluz».
