Bankaŭskaja sistema pavinnaja pracavać na raźvićcio ekanomiki.
Pra heta zajaviła siońnia žurnalistam novy staršynia praŭleńnia Nacyjanalnaha banka Biełarusi Nadzieja Jermakova.
«Maja pazicyja ŭ tym, što bankaŭskaja sistema pavinnaja pracavać na raźvićcio ekanomiki i zadavalnieńnie zapatrabavańniaŭ nasielnictva»,— skazała Nadzieja Jermakova. U liku najvažniejšych zadač, da vykanańnia jakich pavinien imknucca Nacbank, jana nazvała ŭmacavańnie zołatavalutnych reziervaŭ, farmavańnie ich u poŭnym patrebnym abjomie, a taksama stvareńnie dadatkovaha zapasu, jaki možna budzie puścić u prodaž na svabodny rynak. U toj ža čas valutu treba zarablać, padkreśliła novy kiraŭnik Nacbanka.
«Valuta ź nieba nie zvalicca, jaje treba ci pazyčyć u kahości, abo zarabić,— dadała jana. — A kab zarabić, treba zajmacca raźvićciom ekspartu, skaračeńniem impartu, impartazamiaščeńniem na pradpryjemstvach».
Adkazvajučy na pytańni žurnalistaŭ ab situacyi na valutnym rynku krainy, Jermakova adznačyła, što prablema ŭ tym, što niedastatkova valuty, kab vydavać jaje ŭ abmieńnikach. Adnak heta nie samaja hałoŭnaja prablema. «U mnohich krainach valuta pradajecca niesvabodna, ale tam ekanomika raźvivajecca i ludzi žyvuć, — skazała jana. — Nie zusim pravilna, kab u nas valuta lažała ŭ kišeni.
Rubla niama, chleba nie možam kupić, tamu što bieražem u kišeni $15–20».
Na dumku novaha kiraŭnika Nacbanka, asnoŭnyja namahańni siońnia nieabchodna zasiarodzić na tym, kab dabudavać zapłanavanyja da ŭvodu vytvorčyja abjekty,
U toj ža čas, kali nasielnictvu patrebnaja valuta, u tym liku na sacyjalnyja vydatki za miažoj, banki iduć nasustrač. Raniej hetym zajmaŭsia tolki Biełarusbank, ciapier da hetych pytańniach dałučanyja i inšyja banki. «Biełarusbank bolš za dva miesiacy pradaje na hetyja mety zamiežnuju valutu, kali, da prykładu, čałavieku patrebnyja hrošy na adpačynak,
treba pradjavić kopiju kvitkoŭ, što jany sapraŭdy jość, valutu toj krainy jamu i pradaduć»,— adznačyła jana. Pavodle jaje słovaŭ, viadoma, heta dadatkovaja, možna skazać, ručnaja dla bankaŭ praca, ale jany dajuć joj rady.
Adkazvajučy na pytańni žurnalistaŭ ab tym, ci buduć u Nacbanku hłabalnyja kadravyja źmieny z prychodam novaha kiraŭnika, Jermakova adznačyła, što nie prychilnica hetaha. «Kamandu Nacbanka ja viedaju — jana zładžanaja i narmalna pracuje», — padkreśliła jana.
