Niekalki viaźniaŭ hłybockaj kałonii ŭ červieni ździejśnili sprobu suicydu 3

Pavodle nieaficyjnaj infarmacyi, niekalki źniavolenych Hłybockaj vypraŭlenčaj kałonii № 13 (Viciebskaja vobłaść) sprabavali pakončyć z saboj.

Pra heta BiełaPAN paviedamiŭ Andrej Bandarenka, dyrektar infarmacyjna-aśvietnickaj ustanovy «Płatforma», jakaja zajmajecca pytańniami zachavańnia zakanadaŭstva ŭ papraŭčych ustanovach.

Infarmacyja pastupiła ad čałavieka, jaki niadaŭna vyzvaliŭsia z hłybockaj kałonii. Jon raspavioŭ, što ŭ červieni asudžanyja VK-13

abviaścili haładoŭku, pratestujučy takim čynam suprać parušeńnia zakonnaści z boku administracyi kałonii, u tym liku — žorstkaha prymianieńnia fizičnaj siły ŭ dačynieńni da źniavolenych.

Udzielniki haładoŭki patrabavali sustrečy z hienieralnym prakuroram Biełarusi.

«U adkaz administracyjaj kałonii z 16 pa 22 červienia było praviedziena masavaje źbićcio asudžanych.

Bolšaść źniavolenych, jakija padvierhlisia takim mieram, nie mahli pierasoŭvacca samastojna, adnak miedycynskaja dapamoha im nie akazvałasia.

Niekatoryja byli vymušanyja ŭžyć ekstremalnyja miery samaabarony — suicyd. Tak, asudžanyja Kanciava i Čykin, nie znachodziačy inšych srodkaŭ abarony svaich pravoŭ i vartaściaŭ, uskryli sabie vieny i žyvot», — raspavioŭ Andrej Bandarenka.

Na padstavie atrymanych faktaŭ 27 lipienia ŭstanova «Płatforma» nakiravała ŭ departamient vykanańnia pakarańniaŭ MUS, Hienieralnuju prakuraturu i ŭpraŭleńnie ŭłasnaj biaśpieki MUS zvarot z patrabavańniem rasśledavać incydenty ŭ papraŭčaj kałonii № 13 horada Hłybokaje.

Padrabiaznaści buduć paviedamlenyja 1 žniŭnia na pres-kanfierencyi ŭ Minsku.

U joj płanujuć udzielničać śviedki katavańniaŭ, imiony jakich nie nazyvajucca ź mierkavańniaŭ ich biaśpieki.

Atrymać kamientar u departamiencie vykanańnia pakarańnia MUS pakul nie ŭdałosia.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH