Ministerstvam justycyi Respubliki Biełaruś skončanaja pravierka dziejnaści Partyi kamunistaŭ Biełaruskaj (PKB). U tym liku kolkaści jaje siabroŭ na pradmiet adpaviednaści patrabavańniam zakanadaŭstva. Padčas praviedzienaj Ministerstvam justycyi pravierki siabroŭstva ŭ PKB paćvierdžanaje ŭ dačynieńni mieniej za 1300 asob, što ŭ cełym adpaviadaje patrabavańniam zakanadaŭstva Respubliki Biełaruś adnosna minimalnaj kolkaści palityčnaj partyi. Razam z tym, Ministerstva justycyi zajaŭlaje, što siabroŭstva ŭ dadzienaj partyi bolš za 200 asob, uklučanych u śpis, nie paćvierdziłasia. Na hetaj padstavie Partyi kamunistaŭ Biełaruskaj vyniesienaje piśmovaje papiaredžańnie i pryznačany termin dla likvidavańnia parušeńniaŭ.
Centralny kamitet PKB papiaredžany, što ŭ vypadku nie likvidavańnia adznačanych niedachopaŭ da 5 lutaha budzie pastaŭlena pytańnie ab mahčymaści dalejšaj dziejnaści partyi.
Pres‑sakratar Partyi kamunistaŭ Biełaruskaj Siarhiej Vaźniak zajaviŭ pres‑centru Chartyi'97, što pretenzii Miniusta da partyi nie źjaŭlajucca pravamiernymi, pakolki «viedamstva nie pravodziła zakonnuju pravierku dziejnaści PKB».
«Zamiest Ministerstva justycyi pravierku pravodzili milicyja, prakuratura, KDB, supracoŭniki domakiraŭnictvaŭ, jakija zapałochvali siabroŭ partyi i akazvali na ich cisk. Ničoha dziŭnaha ŭ tym, što šmat chto admaŭlaŭsia havaryć z supracoŭnikami milicyi i KDB, abo admaŭlaŭsia ad svajho siabroŭstva ŭ vyniku takoj «pravierki», – zajaviŭ Siarhiej Vaźniak.
Partyja kamunistaŭ Biełaruskaja maje namier abskardzić papiaredžańnie Miniusta ŭ sudzie.
