Jaŭhien Kaśpierski miarkuje, što prableman nie ŭ DDoS-atakach, a ŭ «niaŭmiełym kiravańni».
«Karystalniki mohuć pa-raniejšamu adčuvać ciažkaści z dostupam da LiveJournal — DDoS-napady na servis na dadzieny momant spynilisia, ale z pryčyny ŭklučanaha Mitigation Service mohuć naziracca asobnyja prajavy niestabilnaści. Kankretnyja terminy adnaŭleńnia karektnaj pracy servisu nazvać pakul ciažka, administratary LiveJournal pracujuć nad uchileńniem ŭźnikłych prablem», — paviedamlajuć ułaśniki LiveJournal.
Prablemy z dostupam na ŽŽ uźnikli ŭ paniadziełak 25 lipienia. Ułaśniki siervisu paviedamlali pra DDoS-napady. Hetuju viersiju pastaviŭ pad sumnieŭ Jaŭhien Kaśpierski, zasnavalnika kampanii «Łabaratoryja Kaśpierskaha». Na jaho dumku, sprava nie ŭ DDoS-napadach, a ŭ niaŭmiełym kiravańni kampanii. Z-za jakoha prablemy na papularnym siervisie buduć paŭtaracca, što ŭrešcie pryviadzie da sychodu častki klijentaŭ. Jon daŭ abiacańnie zrabić heta adnym ź pieršych i strymaŭ słova: u adčynienym u krasaviku minułaha hoda dziońniku ŭ ŽŽ jon paviedamiŭ pra stvareńnie svajho ŭłasnaha błoha.
Nahadajem, što viasnoj hetaha hoda karystalniki ŽŽ užo sutykalisia z surjoznymi prablemami z dostupam da siervisu. Tady ŭsio pačałosia z adrasnych atak na błohi viadomych asobaŭ, u pieršuju čarhu rasijskich apazicyjnych i hramadskich dziejačaŭ.