Pa źviestkach pravaabaroncaŭ, u časie siońniašniaj vajskovaj apieracyi siryjskija vojski zabili bolš za 120 čałaviek
Jak paviedamlaje telekanał «Euronews» sa spasyłkaj na infarmacyju pravaajuarončych arhanizacyj, siońnia ŭ chodzie šturmu vajennymi horada Chama zahinuli 94 čałavieki, usiaho ŭ krainie zahinuŭ 121 čałaviek. Pa śviedčańniach žycharoŭ Chamy, ataka pačałasia na dośvitku ź niekalkich nakirunkaŭ. Tanki prarvali hšmatlikija barykady i pačała rastrelvać ludziej. Akramia taho, z dachaŭ niekatorych budynkaŭ ahoń pa paŭstancach viali snajpiery.
Chama viadomaja pratestavymi nastrojami jašče z 1982 hoda. Tady paŭstańnie było patoplena ŭ kryvi Chafiezam Asadam, tahačasnym kiraŭnikom Siryi, baćkam kiraŭnika siońniašniaha — Bašar al-Asada.
Pa dadzienych apazycyi, z pačatku chvalavańniaŭ u siaredzinie sakavika pa ŭsioj Siryi ŭ chodzie biesparadkaŭ zahinuła paŭtary tysiačy hramadzianskich asob i kala 350 supracoŭnikaŭ słužbaŭ biaśpieki.
Bolš za 12 tys. było aryštavana, jašče kala troch tysiač čałaviek ličacca źnikłymi bieź viestak. Niahledziačy na namahańni ŭrada, pratesty ŭ krainie nie cišejuć, a žorstkija zachady ŭładaŭ vyklikali mižnarodnyja sankcyi i hnieŭ suśvietnaj supolnaści.
U subotu, pa dadzienych Siryjskaha centra nahladu za vykanańniem pravoŭ čałavieka, vojski zastrelili troch čałaviek, jakija kidali kamiani ŭ vajennuju aŭtakałonu, nakiravanuju na padaŭleńnie pratestaŭ na ŭschodzie krainy.
U piatnicu, pa dadzienych pravaabaroncaŭ, padčas vystupaŭ pa ŭsioj krainie sotniaŭ tysiač niezadavolenych režymam Asada było zabita 20 i paraniena 35 čałaviek.
